Marcos 1:28 - Las Escrituras en Ashéninka Ucayali del Sur

²⁸ Ikemakoe-tanakiri intsipaete Jesús maawoeni janta Tepokiweniki.

Marcos 1:28 Σταυροειδείς Αναφορές

Lucas 4:37

Tema ithonka ikemakoe-tanakiri Jesús maawoeni janta inampiiteki.

Mateo 9:31

Roo kanteencha, jateeya-nakini irika-paeni ikamantan-tanaki, ithonka ikemakoe-tanakiri Jesús janta.

Lucas 4:17

Ipaetakiri rojankinari Kamantanta-nirini Isaías. Ikanta rapinee-ryaakiro jankina-rentsi, raminakiro jempe ojankinataka, kantatsiri:

Marcos 1:45

Roo kanteencha ikamantantanaki pathaawae-witachari janta nampitsiki jempe okanta retsiyata-kotan-taari. Rootaki kaari ijeekantanaa Jesús nampitsiki. Jataki ochempi-mashiki, ari ijeekakiri. Aritzimaetaka ipoka-shitziriri osheki atziri.

Mateo 4:24

Tema ithonka ikema-kotee-tanakiri Jesús janta. Ikemaeyakini eejatzi Tonkaeronijatzi, ramayitakiri isheninka ikaatzi mantsiya-tatsiri, retsiya-takota-kahae-teeri. Ramakiri ikaatzi omatziri inashiyita-chari mantsiyarentsi, katsiwae-tatsiri, kamanawae-tatsiri, kijopooki-waeta-tsiri. Ramakiri eejatzi raahashireyi-tziri peyari. Tema ithonkakiri rowawijakoyita-waeri Jesús.

Miqueas 5:4

Ari retanakyaawori pinkathari raamaako-wentee-yaari isheninka-paeni, Rootaki imatantee-yaari ishintsinka Tajorentsi. Ari ikantzi-teetyaari ipinkatha-teetero iwaero Itajorentsite. Aritaki ijeekawaetee kameetha, Tema antawoete ipinkathee-teeri Tajorentsi, Imaeteero maawoeni jempe-rika oweyaa-thapi-tapaa kepatsi.

Mateo 9:26

Tee romanako-tanaka Jesús, ikemakoe-tanakiri maawoeni janta.

Marcos 1:27

Ari ipampoyeeyanakirini atziri-paeni, ikanta-wakaanaka: “¿Oetakama iroka? ¿Owakirarima iyotahaantsi iroka? Rotsinampaeri retsiyata-kota-kaeri raahashiretziri peyari.”

Marcos 1:29

Ikanta ishitowa-neera Jesús Kemijantantsipankoki, raanakiri Juan eejatzi Jacobo, ikineeya-nakini ipankoki Simón, ijeekaki eejatzi Andrés rirentzi Simón.

Lucas 7:17

Ithonka ikemakoe-tanakiro rantakiri Jesús maawoeni ipatsiteki Judá-paeni, eejatzi otsipaki nampitsi okaatzi ijeeka-nampi-yitziri janta.