Marcos 11:9 - Ajyíninka Apurucayali

⁹ Atziripaini iiwataintsiri, ikaatzi oyaatakiriri itaapiiki, ikaimaiyini, ikantaiyini: ¡Aatsikitataiki Awinkatharitiwí! Tasonkawintaari jinatzi, Pinkathari aitziri otyaantakiriri.

Marcos 11:9 Σταυροειδείς Αναφορές

Mateo 21:9

Ikaatzi atziri iiwataintsiri, iijatzi oyaatakiriri itaapiiki, ikaimaiyini, ikantzi: ¡Thami apinkathatairi icharini David-ni! ¡Tasonkawintaari jinatzi, tima Pinkathari aitziri otyaantakiriri! ¡Aatsikitaki Awinkatharipirotyaari!

Mateo 23:39

Tima iiro okantaitatya piñaapiintaina jaka, irojatzi paata pinkantantaiyaari: Tasonkawintaari jinatzi, tima Pinkatharintsi aitziri otyaantakiriri”.

Marcos 11:8

Tzimatsi oomaankashitanakiriri manthakintsi, pashini chikanaintsiri inchashi ishitashitantyaari owaniinkatantyaari tsika ikinanaki.

Juan 12:13

Ipoña ichikaiyanakini ojyawori kompiroshi. Jataiyanakini intonkiyotawatyaari, ikaimaiyini ikantzi: ¡Aatsikitataiki awinkathariti! Tasonkawintaari jinatzi, tima Pinkathari aitziri otyaantakiriri. ¡Iriitaki Awinkatharipirotitaiyaari aakaiti Israel-mirinkaiti!

Juan 19:15

Iikiro ikaimaiyatziini jirikaiti, ikantzi: “¡Inkami! ¡Inkami! ¡Pimpaikakotakaantiri!” Ari ikantzi Pilato: “¿Kantatsima nompaikakotakaantiri piwinkathariti?” Ari jakaiyanakini ijiwari Ompiratasorintsitaari, ikantaiyini: “¡Iri César nowinkathariti, tikaatsi pashini!”