Juan 13:19 - Ajyíninka Apurucayali

¹⁹ Aririka imonkaatatya jiroka, iro pinkimisantapirotantyaanari ‘Naakatsitaka’. Irootaki nitantawori nokamantzimiro.

Juan 13:19 Σταυροειδείς Αναφορές

Mateo 11:3

josampitiri Jesús, inkantiri: “¿Iirokama jiitaitziri, ‘Pokatsini?’ Kaaririka iiroka, ¿Tzimatsima pashini pokatsini?”

Mateo 24:25

Aritaki nokamantsitakimiro.

Lucas 21:13

Iro imayitantyaari jiroka onkantya pinkinkithatakotantyaanari janta.

Juan 1:15

Iriitaki ikaimakaimawintapaakiri pairani Juan, ikantapaaki: “Jirika nokinkithatakotakiri pairani, nokantaki: ‘Aatsikitaki poyaatapaakinani, janaakowaitakina naaka, tima iri itakawo pairani tikiraamintha notzimi naaka’ ”.

Juan 14:29

Nokamantatziimiro jiroka, pinkinkishiritantyaari paata, imonkaatapaatyaarika.

Juan 16:4

Aririka imonkaatatya jiroka, iro pinkinkishiritantyaawori nokantakimiri. Irootaki nitantzimirori nokamantzimiro”. “Tii nokamantsitzimiro owakiraini jiroka, tima irojatzi notsipayitzimi.

Juan 4:26

Ikantzi Jesús: “Naakataki, ñaanatajaantakimiri”.

Juan 8:28

Irootaki ikantantanakari Jesús: “Aririka pimpaikakotakaantiri Itomi Atziri, aripaiti piyoti naakataki. Tii naaka antashiwaityaawoni nokowakaari. Apa niyotaantziro okaatzi jiyotaanari Ashitanari.

Juan 8:58

Ari jakanaki Jesús: “Tikiraamintha itzimiita Abraham-ni. ‘Naakatsitaka’. Imapiro”.