அப்போஸ்தலம்மாரு 14:2 - Moundadan Chetty

² எந்நங்ங, அதன நம்பாத்த யூதம்மாரு, ஏசின நம்பா கூட்டுக்காறிக எதிராயிற்றெ அன்னிய ஜாதிக்காறா எளக்கிபுட்டு, ஹகெ உட்டுமாடிரு.

அப்போஸ்தலம்மாரு 14:2 Σταυροειδείς Αναφορές

யோவானு 3:36

அதுகொண்டு மங்ஙனமேலெ நம்பிக்கெ பீப்பாவங்ங நித்திய ஜீவித கிட்டுகு; தன்ன மங்ஙன நம்பாத்தாவங்ங நித்திய ஜீவித கிட்ட; ஆக்களமேலெ எந்தெந்தும் தெய்வாக அரிசமாத்தறே உட்டாக்கு” ஹளி ஹளிதாங்.

அப்போஸ்தலம்மாரு 1:15

அந்தத்தஜின சுமாரு நூறா இப்பத்து சிஷ்யம்மாரு அல்லி கூடித்துரு; அம்மங்ங பேதுரு ஆக்கள நடுவின எத்து நிந்தட்டு,

அப்போஸ்தலம்மாரு 13:45

அம்மங்ங அல்லி இப்பா யூதம்மாரு, ஜனக்கூட்டத கண்டு அசுயபட்டு, பவுலு கூட்டகூடிதா வாக்கிக எதிராயிற்றெ தூஷணவாக்கு ஹளிரு.

அப்போஸ்தலம்மாரு 13:50

எந்நங்ங யூதம்மாரு, பக்தியும், அந்தஸ்தும் உள்ளா ஹெண்ணாக்களினும், ஆ பட்டணாளெ உள்ளா காரியஸ்தம்மாரினும் தூண்டி புட்டட்டு பவுலினும், பர்னபாசினும் உபதரிசி, ஆ சலந்த ஓடிசிபுட்டுரு.

அப்போஸ்தலம்மாரு 14:19

ஹிந்தெ அந்தியோக்கியந்தும், இக்கோனியந்தும் செல யூதம்மாரு பந்தட்டு, பவுலிக எதிராயிற்றெ ஜனங்ஙளா திரிச்சு புட்டு, அவனமேலெ கல்லெருதுரு; அந்த்தெ பவுலு சத்தண்டுஹோதாங் ஹளி பிஜாரிசிட்டு, ஆக்க அவன பட்டணந்த ஹொறெயேக எளத்து கொண்டு ஹைக்கிரு.

அப்போஸ்தலம்மாரு 14:4

அந்த்தெ, பட்டணதாளெ உள்ளா ஜனங்ஙளு எருடு பாகமாயிற்றெ பிரிஞ்ஞு, ஒந்துகூட்ட யூதம்மாரா பக்கும், ஒந்துகூட்ட அப்போஸ்தலம்மாரா பக்கும் சேர்ந்நுரு.

அப்போஸ்தலம்மாரு 14:5

அன்னிய ஜாதிக்காரும், செல யூதம்மாரும், ஆக்கள மூப்பம்மாரும் கூடிட்டு, ஈக்கள இப்புறின மானங்கெடிசி, கல்லெறிக்கு ஹளி தீருமானசிரு.

அப்போஸ்தலம்மாரு 17:13

பெரேயாளெயும், பவுலு தெய்வ வஜன அறிசீனெ ஹளி, தெசலோனிக்காளெ உள்ளா யூதம்மாரு அருதட்டு, அல்லிகும் ஹோயி பவுலிக எதிராயிற்றெ ஜனங்ஙளா எளக்கிபுட்டு, பிரசன உட்டுமாடிரு.

அப்போஸ்தலம்மாரு 17:5

எந்நங்ங, இதன நம்பாத்த யூதம்மாரு அசுயபட்டு, சந்தெயாளெ உள்ளா கொறே போக்கரிகளா கூட்டிண்டு, பட்டணதாளெ பயங்கர கச்சறெ உட்டுமாடிரு; ஆக்க ஆள்க்காறா கூட்டி, பவுலினும், சீலாவினும் ஹிடுத்து கொண்டுபருக்கு ஹளிட்டு, பவுலும் சீலாவும் தங்கித்தா ஆசான் ஹளாவன மெனெத ஹுயிது பொளிப்பத்தெகூடிரு.

அப்போஸ்தலம்மாரு 18:12

ஹிந்தீடு, கலியோன் ஹளாவாங் அகாயா நாடினாளெ ரோமன் கவர்னறாயிற்றெ இப்பங்ங, கொறே யூதம்மாரு பவுலிக எதிராயிற்றெ ஒந்தாயி கூடிபந்தட்டு, அவன ஹிடுத்து கொண்டு ஹோயி கோர்ட்டாளெ நிருத்திரு.

1 தெசலோனி 2:14

கூட்டுக்காறே, ஏசினமேலெ நம்பிக்கெ பீத்து, யூதேயா தேசதாளெ ஜீவிசிண்டிப்பா சபெக்காறிக யூதம்மாராகொண்டு புத்திமுட்டு சம்போசித்து; அதே ஹாற தென்னெ நிங்காகும் நிங்கள சொந்த ஜனதகொண்டு புத்திமுட்டு உட்டாத்து.