San Lucas 3:14 - Manityanati Tupax

¹⁴ Ñankitiomaintyo masortaboka pɨnanakiti: –Karɨ axɨsomɨ, ¿kausane soboi? Aiñumuti: –Tapɨ ane isane apikiaɨbuta pɨnanakiti kiatax, ui napapixhumuku tapɨ aburakama axɨbama champɨ kausane uimia. Aupukɨnu aɨbu axɨna toxio aume ityobo napachɨkoi.

Manitanati Tuparrü

¹⁴ Aboma ito masortaboca acamanu. Arrüma ñanquitioma ito pünanaquiti, namatü: —¿Carü arrüsomü, causane soboi? Aiñumuti Juan: —Tapü apacaübucaiqui pünanaqui genterrü arrüna naurriantümo. Tapü apitomocati naqui champü causane uiti. Tari conformabo año aübu napacanasa.

San Lucas 3:14 Σταυροειδείς Αναφορές

San Mateo 8:5

Naukiche iñataiti Jesús au Cafarnaúm, tamanti ɨriatu masortaboka romano kuati esati manityanati ɨmoti nauki asamuti nuxia.

San Lucas 19:8

Atɨraiti Zaqueo nanti ɨmoti Yɨriabux: –Asasatɨ, Yɨriabux, ixhanka ityoximia kɨmuintya aruki nanaiña niñenaxi ɨmo axɨbama taruku nityakisɨrɨkɨxɨma. Axtɨ ane isusɨpɨtio pɨnanakiti kiatax, yacheka tato ɨmoti cuatro yopɨrɨkɨ.

San Lucas 3:10

Auki ñankitioma pɨnanakiti: –¿Kausane kaɨma soboi?

San Lucas 3:13

Nanti Kuan ɨmoma: –Tapɨ apakaɨbuka pɨrɨkɨ axɨna bakɨpukux aume apakaɨbu.

Hechos 10:7

Naukiche tɨsɨrotitɨ tato maniki ángel, axti Cornelio batasuruti ɨmo axɨmanuma toxɨma ikumanakataxti ichepeti taman sortabox naki taruku ñakokonaunkuxti ɨmoti Tupax naki ɨmoche onkotitɨ nantax,

Filipenses 2:15

nauki tapɨ apisamute nomɨnantɨ tapɨ anatityo naki iñensɨmunuti año yotopiki chɨtamampatai. Iku axɨna kɨx kauta sɨrɨmanama axɨbama chuxiampɨ nisɨborikixhimia tarukuityo nomɨnantɨ uimia. Axaño tyopiki aɨtoxti Tupax año, tapɨ apisamukio axɨmanio nomɨnantɨ apisamuse besɨro nausɨboriki sukarɨ makiataka.

Filipenses 4:11

Sukanañɨ sane chityopikipɨ tarukupɨpae axɨba nixhantɨmo, tyopiki aukiapae ipukɨnunka aɨbu axɨna ane sobi.

Tito 2:3

Saneityo, axɨba paɨka nɨriabuka paɨka taikiana uxia niyosɨborikixh, tapɨ panityanatai yokɨtɨpɨ pikiataka paɨka, tapɨ axɨba chabo'oka. Tari uxia niyosɨborikixh sukarɨ kupikikia

Apocalipsis 12:10

Auki ñonkoi tosibixh au napes, nantɨ sane: “Axti naki Tupax oemo ane maximiakatax uiti ɨmo axɨbama ikokoromati. Ityusiankatati nɨriakaxti, tyonenti naki kunauntaña yarusɨrɨx yɨriabux. Aɨtoxti yɨriabux ɨmo namanaiña axɨbama aboma iku axɨna kɨx. Axti maniki chobores tɨpenekoti auki napes, tyopiki au sapes au tobixh, chuxiampɨ nuraxti sukarɨti Tupax kɨtɨpɨ axɨbama usarukityaiki.