San Lucas 18:14 - Manityanati Tupax

¹⁴ Sukanañɨ aume axti naki bakaɨburuti monixh sɨrotitɨ tato au nipoxti tɨxhimiakana nomɨnantɨ uiti, tapɨti maniki fariseo chɨsanempɨ. Tyopiki axti naki au ñakionkoxti taruku napekixhti, tyonenti ñana champɨ nɨmocheti. Tapɨti naki iñoxonkonotiyɨ, sɨrotitɨ ñana ape.”

Manitanati Tuparrü

¹⁴ Auqui nantito Jesús: —Arrti maniqui yacobrarrü impuestorrü süroti tato au niporrti, chauqui tümorrimiacana arrüba nomünantü uiti. Tapü arrti fariseorrü champüatai. Itopiqui arrübama mañentonaunca cüsoboma ñana uiti Tuparrü, tapü arrübama itaquisünüancanamacü torrio ümoma üriacaboma uiti.

San Lucas 18:14 Σταυροειδείς Αναφορές

San Lucas 14:11

Tyopiki axti naki uixhtiatoe taruku niyarusɨrɨkɨxti, simiamati tato ñana. Tapɨti naki simiamantiatai, taruku ñana niyarusɨrɨkɨxti.

San Lucas 16:15

Nanti Jesús ɨmoma: “Axaño apisamute takana axɨbama uxia nisɨborikixhimia sukarɨ makiataka, tapɨti Tupax isuputakaiti axɨna ane au nabausasɨ. Axɨna taruku nikuax ɨmo mañoñɨnka chuxiampɨ ɨmoti Tupax.

Santiago 4:10

Apiñoxonkosaño sukarɨti Tupax, sane ane toxiobo uiti aume.

San Mateo 23:12

Tyopiki axti naki sɨrɨmanaxti au ñakionkoxti, simiamantiatai ñana. Tapɨti naki takisɨrɨtiatai, sɨrɨmanaxti ñana.

Santiago 4:6

Ñemanaunkuxatoe, axti Tupax taruku nukuasɨrɨkɨ ɨmoti. Sane takana nantɨ iku Nikorox: “Axti Tupax chuxiampɨ ɨmoti axɨbama au ñakionkoxɨma champɨti kiatax pɨrɨkɨma, tapɨ axɨbama takisɨrɨma pukɨrusuti tyakuma.”

San Lucas 1:52

ikiaɨburio axɨba chiyaupɨ nobɨriakax auki niñotɨmox iñanio petaisɨrɨ axɨba pakokonaunx.

San Mateo 5:3

“Taikiana chiyaupɨ nipukɨnunkuxɨma axɨbama champɨ nɨmoche uimia nenaxixhimia, ityopiki ɨmoma ñana atoxi nɨriakax auki napes.

Gálatas 2:16

Tusiu oemo champɨti ñoñɨnx uxia nisɨborikixhti au nastaxti Tupax axtɨ ikokotati axɨmanu bakɨpukux uiti Moisés ta chapie ɨmo makokonaunkux ɨmoti Jesucristo. Sane naukiche, axoñɨntyo uikokokati Jesucristo, chapie ɨmo axɨmanu makokonaunkux chɨtɨpɨ ui axɨna uisamute axɨmanu bakɨpukux uiti Moisés.

Romanos 4:5

Tapɨ axtɨ anati naki ikokoroti Tupax, naki uiche besɨro nisɨborikixhti naki taruku nomɨnantɨ uiti, champɨ nɨmoche axtɨ chisamutentipɨ axɨna uxia isiukiche apukɨruti tyakuti.

Romanos 3:20

Champɨti nanti ñana axɨñɨ isamute nanaiña axɨmanu bakɨpukux uiti Tupax nanti ɨmoti champɨ nomɨnantɨ uiti, tyopiki axɨmanu bakɨpukux uiti Moisés baserebio nauki atusi ta ane nomɨnantɨ osoi.

San Lucas 10:29

Tapɨti maniki manunekana bakɨpukux uiti Moisés, ui nixhankaxti uxia axɨna ñankitioti, nanti ɨmoti Jesús: –¿Ñakutimo naki isɨborisapa?

Romanos 8:33

¿Ñakutipɨ naki chuxiampɨ ɨmoti nisɨborikixhimia axɨbama samamekanama uiti Tupax? Axti Tupax tyonenti naki uiche uxia nisɨborikixhimia.

Romanos 5:1

Axti Tupax, chauki tɨbesɨro uiti nosɨboriki, ui numakokonaunku, taikiana uxia osoi oemantoe aɨbuti Tupax, ityopikiti Yɨriabux Jesucristo.