San Lucas 13:12 - Manityanati Tupax

¹² Naukiche asaratitɨ Jesús ɨmo, ityasutati nanti ɨmo: –Axɨkɨ paɨx, chauki tiñokonɨ axɨna noxokox aemo.

Manitanati Tuparrü

¹² Nauquiche asaratitü Jesús ümo manu paürrü, itasutati y nanti ümo: —Rracurara aemo, paürrü.

San Lucas 13:12 Σταυροειδείς Αναφορές

San Mateo 4:23

Sɨrotitɨ Jesús au nanaiña Galilea, manunekanati ubau sinagoga kauta iñataiti. Urapoiti axɨba omixhia manityakax ɨmo nɨriakax au napes bakurarati ɨmo axɨbama maunxokonoma takanaintyo nanaiña axɨba oboxo kɨtɨpɨma.

San Mateo 8:16

Naukiche tɨtobikia sɨromatɨ esati Jesús sɨrɨmanama aɨbu axɨbama aboma machoboreka kɨtɨpɨma. Ui taman yakɨpukuxti penekoma uiti machoboreka kɨtɨpɨkimia, namanañaintyo uxiankama tato uiti.

San Lucas 13:11

Ananka akamanu taman paɨx tɨtabe dieciocho naskɨbeka ñaunxokokox. Uiti chobores mameso nichakux, chɨpueruxɨpɨ aipesɨnakanɨ.

San Lucas 13:13

Auki iñatati ne'exti onɨ, isiukai axɨmanu paɨx besɨro tato nichakux auki omixhia nurax kɨtɨpɨti Tupax.

San Lucas 13:16

Axɨna paɨx, nityakɨbaɨtuxti Abraham tyone ananka tomoeno uiti chobores ui axɨna noxokox tɨtabe dieciocho naskɨbeka nakax aɨbu, ¿ensapɨ chuxiampɨ uisokisɨna champɨ nɨmoche au axɨna nanenes sabaru?