San Juan 8:48 - Manityanati Tupax

⁴⁸ Auki namatɨ axɨmanuma judíos ɨmoti: –Axɨsomɨ suisoñoka axtɨ sukanasomɨ axɨkɨ po'osokɨ au samaria anatityo chobores akɨtɨpɨkɨ.

Manitanati Tuparrü

⁴⁸ Auqui namatü manuma israelitarrü ümoti: —Taiquiana sumucana somü nurria aemo, arrücü tacana samaritanorrücü y anati choborese aucü.

San Juan 8:48 Σταυροειδείς Αναφορές

San Mateo 10:25

Axti naki ununekanati tari uxia ñakionkoxti axtɨ iyebo uiti takanati naki uiche aiñununekanati, tapɨti naki kumanakax takanati naki ɨmoche aserebiti. Axtɨ namatɨ Beelzebú ɨmoti naki yarusɨrɨx au taman pox, ¿urapɨma sane ɨmo axɨbama aɨtoxti?

San Mateo 10:5

Bakɨpuruti Jesús ɨmo axɨmanuma doce nesaxti apóstoles nanti ɨmoma tari aisamunema sane: “Tapɨ amekatɨ au nikɨxɨma axɨbama chikokoropɨmati Tupax tapɨ amekatityo au axɨmanu tube Samaria.

San Mateo 11:18

Iñataiti Kuan, axti naki chɨbasotipɨ chichabotipityo, axaño amukanaño anati chobores kɨtɨpɨti.

San Mateo 12:24

Naukiche onkoimia axɨna sane, axɨmanuma fariseos namatɨ: “Axti Beelzebú, naki ɨriatu axɨbama machoboreka, tyonenti naki uiche atoxi ɨriakaboti naki ñoñɨnx nauki apenema uiti machoboreka.”

San Mateo 12:31

“Sane naukiche sukanañɨ aume axti Tupax ixhimiakatati ɨmo mañoñɨnka nanaiña axɨba nomɨnantɨ uimia nanaiñaintyo axɨba chomixhampɨ nuraxɨma, tapɨ ɨmo axɨbama chuxiampɨ nuraxɨma ɨmoti Espíritu Santo, chɨxhimiakanapɨ.

San Mateo 15:7

¡Axaño chapisamutempɨ axɨna amukanaño! Ñemanauntu nuraxti profeta Isaías tɨkañe aukɨtɨpɨ, naukiche nanti:

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.

San Juan 10:20

Sɨrɨmanama axɨbama namatɨ: –¿Kausane abasikia amonsaperio nuraxti?

San Juan 13:13

Axaño amukanaño iñemo Maestro Yɨriabux, uxia axɨna sane nabura, ityopiki ñemanuntu axɨna sane.

San Juan 4:9

Axɨmanu paɨx auki Samaria nantɨ ɨmoti: –¿Kausane axɨkɨ, ankikia tux xhopɨnanakiñɨ atɨpobokɨ, abo axɨkɨ judíokɨ, tapɨ axɨñɨ auki Samariañɨ? –¿Tyopiki axɨmanuma judíos chuxiampɨ nisɨborikixhimia aɨbuma axɨmanuma auki Samaria?

San Juan 7:20

Axɨma aiñumuma nuraxti: –Anati chobores akɨtɨpɨkɨ, ¿Ñakuti xhanxti aityabairotiyɨ?

San Juan 8:22

Axɨmanuma ɨriatu axɨbama judíos namatɨ: –¿Kausane nanti sane chiyebopɨ osoi kauta niyɨkɨxti? ¿Taki xhanxti aityabairotiyɨ?

San Juan 8:52

Axɨmanuma judíos aiñumuma nuraxti: –Ñemanauntu kaɨma sopikokota ta anati chobores akɨtɨpɨkɨ. Axti Abraham ichepe axɨbama profetas koiñoma, tapɨ axɨkɨ ukanɨ: ‘Naki ikokotati nura chɨkoiñotipɨ ñana.’

Romanos 15:3

Tyopiki axti Cristo tɨkañe champɨityo axtɨ yapachetioti nauki uxia nisɨborikixhti ɨmotiatoe. Aɨbuti omixhante axɨmanu nantɨ iku Nikorox: “Axɨmanio nipɨnatema axɨmanuma unumakɨ sobi yasuriu.”

Hebreos 13:13

Saneityo axoñɨ kuri chepeti Jesús tyɨrɨpo axɨmanu nipo meankax sane basuriu chepeti axɨmanu nikɨsoxti uimia naukiche ityakubaxiromati kɨtɨpɨ kurusɨx.

Santiago 2:19

Axɨkɨ aikokota ta anati kunauntañati Tupax, uxia axɨna sane aisamute. Axɨbama machoboreka ikokotama, paichokokononomaintyo ui nixhukuxɨma.