San Juan 8:40 - Manityanati Tupax

⁴⁰ Chɨsanempɨ, tɨsukanañɨ aume axɨna ñemanauntu nanti Tupax iñemo, tapɨ axaño auxianka apityabairoñɨ. ¡Champɨ isamutenti Abraham takana axɨna sane!

Manitanati Tuparrü

⁴⁰ Isecatü suraboi ausucarü arrüna ñemanauntu manunecatarrü, arrüna ñoncoi uiti Tuparrü. Pero arraño aurrianca apitabairoñü. Arrti Abraham nuncapü aisamunenti arrüna sane.

San Juan 8:40 Σταυροειδείς Αναφορές

San Juan 7:1

Yopɨrɨkɨ nanaiña axɨna sane, sɨrotitɨ Jesús au nanaiña axɨmanu kɨx Galilea. Chixhanxtipɨ aɨrotitɨ au Judea, ityopiki axɨmanuma ɨriatu axɨbama judíos yapacherioromati nauki aityabairomati.

San Juan 8:26

Chiyaupɨ surapoboiboñɨ kɨtɨpɨ axɨna chuxiampɨ nausɨboriki. Axti naki uiche aikɨpuruñɨ nanti axɨna ñemanauntu, axɨñɨ sukanañɨ aume axɨna ñonkoi nuraxti.

San Juan 8:56

Axti Abraham, kusɨrɨboti tɨkañe amopɨnanaki taruku nipukɨnunkuxti ui axɨna ipiatenti isekatɨ iku axɨna kɨx. Naukiche astaiti taruku nipukɨnunkuxti uixh.

Romanos 4:12

Axti Abraham tyonentityo yaɨtoxɨma axɨbama tɨcircuncidaboma, sɨsioma aɨbu ñakokonaunkuxɨma axɨbama uyaɨtaiki tɨkañe, axɨna ñakokonaunkuxti aukiapae naukiche tɨkañe chɨcircuncidabotikipɨ.

Gálatas 4:16

Tapɨ kaɨma, ¿ensapɨ chuxiampɨ sobi aume ui axɨna sukanañɨ aume axɨna ñemanauntu?

Gálatas 4:29

Sane takana au axɨmanio tɨkañe naskɨbeka axti maniki simia anati iku kɨx takana axɨbamantai ikuki axɨna kɨx chuxiampɨ uiti ɨmoti maniki anati iku kɨx ui noñemaxti Espíritu Santo, saneityo isamutema kaɨma.

Apocalipsis 12:17

Auki axɨmanu noixhobox taruku nityɨborixh ɨmo axɨmanu paɨx, auki sɨrotɨ ɨmo baikixh aɨbu makiataka axɨbama aɨbosixh, axɨbama ikokotama yakɨpukuxti Tupax iñatama nuxia nauki uraboimia nuraxti Jesús.

Apocalipsis 12:4

Ipusanakanio iku kɨx trex kɨmuintya pɨrɨkɨ axɨmanio nostoñeka auki napes ui niyox. Axɨmanu numukianx tochenko esa axɨmanu paɨx tɨniyɨkɨx ane meku, nauki arati ipiaɨmakax axtɨ tɨtanati iku kɨx.