San Juan 5:16 - Manityanati Tupax

¹⁶ Sane naukiche axɨmanuma judíos ɨnantɨ ɨmoma, tyopiki omixhante axɨba sane uiti au nanenese sabaru.

Manitanati Tuparrü

¹⁶ Auqui manu caüma arrübama israelitarrü aboma isiuti Jesús nirrancarrüma aitabairomati, itopiqui bacurarati au na nanenese nesa macansacarrü.

San Juan 5:16 Σταυροειδείς Αναφορές

San Mateo 12:13

Auki nanti Jesús ɨmoti maniki ñoñɨnx: –Aipesɨnaka ne'e. Axti maniki ñoñɨnx ipesɨnakatati, auki uxia tato takana axɨmanu kiatax.

San Marcos 3:6

Naukiche sɨromatɨ tyɨrɨpo axɨmanuma fariseos, bapacheroma nikiubuma chepe axɨmanuma nesaxti apóstoles Herodes kausane naukiche aityabairomati Jesús.

San Lucas 6:11

Tapɨ makiataka tɨborikoma auki kaɨma bapacheroma nikiubuma kausane uimia aɨbuti Jesús.

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.

San Juan 10:39

Auki xhanxɨma aiñenomati tatityo, tapɨti matanekanati ñɨnanama.

San Juan 15:20

Apakionsaño axɨna surapoi ausukarɨ: ‘Champɨti kumanakax taruku nɨriakaxti pɨnanakiti maniki ɨmoche aserebiti.’ Axtɨ anankañɨ xhatanekaka ñɨnanama, axañointyo apatanekaka ñana ñɨnanama. Axtɨ onkoimia nisura, onkoimiaintyo ñana nabura.

San Juan 5:10

sane naukiche axɨmanuma judíos namatɨ ɨmoti maniki uxia tato ɨmoti: –Axɨna nanenes kaɨma sabaru. Tapɨ aikiata axɨmanu nakɨru.

San Juan 5:13

Tapɨti maniki ñoñɨnx chɨtusiupɨ ɨmoti ñakuti maniki uiche uxianati tato, ityopiki ensoroti Jesús axɨpekukimia axɨmanuma amonkoma akamanu tarukapae nububikixhimia.

San Juan 5:15

Axti maniki ñoñɨnx sɨrotitɨ uraboiti sukarɨ axɨmanuma judíos ta uiti Jesús uxianati tato.

San Juan 5:17

Tapɨti Jesús nanti ɨmoma: –Axti Iyaɨ nantaxtai ane yachɨkoiti, axɨñɨntyo ane niyachɨkoi.

San Juan 5:18

Sane naukiche, axɨmanuma judíos taruku nixhankaxɨma aityabairomati, ityopiki chiñanauntatipɨ axɨmanu nanenes sabaru, ityopiki nantityo ta axti Tupax tyonenti Yaɨtotiatoe, sane isamunutiyɨ takana Tupaxti.

San Juan 7:21

Nanti Jesús ɨmoma: –Namanaiña axaño aukɨtobɨka ui axɨna tamantai isamute au nanenes sabaru.

San Juan 7:25

Axɨpekukimia axɨmanuma po'osoma au Jerusalén ñankitioma: –¿Chityonentipɨ naki iyoche yapachekixhimia nauki aityabairomati?