San Juan 18:8 - Manityanati Tupax

⁸ Nanti Jesús tatityo ɨmoma: –Chauki tɨsukanañɨ aume unka axɨñɨ. Axtɨ iyoñɨ napapacheki, axɨbama makiataka asioma sane aboi tari yɨrakamatɨ tato.

Manitanati Tuparrü

⁸ Nanti tatito Jesús ümoma: —Uncamo arrüñü te naqui iyoche napapachequi. Apiñocosama bama maquiataca.

San Juan 18:8 Σταυροειδείς Αναφορές

San Mateo 26:56

Nanaiña axɨna sane uxiante nauki akoko nura axɨbama profetas iku Nikorox. Isiukai, namanaiña axɨmanuma nesaxti apóstoles onkonoti Jesús uimia tamanti auki besɨburuma.

San Juan 10:28

sobi sɨborikoma ɨmo nanaiña naskɨbeka, chɨkoiñopɨma ñana champɨtityo uiche aikiaɨbuti xhopɨnanakiñɨ.

San Juan 13:1

Kɨmenu nuxia axɨmanu pukɨnunkux Paxkua, tapɨti Jesús tɨtusiu ɨmoti tɨsaimia axɨmanu mapakɨmunkutux ɨmoti aiñokoti axɨna kɨx nauki aɨrotitɨ tato esati Yaɨtoti. Taikiana taruku nikuasɨrɨkɨxɨma ɨmoti axɨbama aboma iku axɨna kɨx, sane nikuasɨrɨkɨxɨma ɨmoti ichepe nityakɨrux.

San Juan 13:36

Ñankitioti Simón Peru pɨnanakiti Jesús: –Axɨkɨ Yɨriabux, ¿kauta naɨkɨ? Aiñumuti Jesús nuraxti: –Chaɨkapɨtɨ kaɨma isiuñɨ. Taunainki aɨkatɨ.

San Juan 16:32

Tɨsaimiampae axɨna auche ñana, axaño apiñaximiakakaño taikianati taman amekatɨ isiu nakax aume, tapɨ axɨñɨ ñonkoka aboi tamañɨ. Chiyasikiapɨ tamañɨ ityopiki anati Iyaɨ ichepeñɨ.

San Juan 18:7

Auki ñankitioti tatityo Jesús pɨnanakimia: –¿Ñakuti iyoche napapacheki? Axɨma namatɨ tatityo: –Iyoti Jesús auki Nazaret.

San Juan 18:9

Axɨna sane uxiante nauki atusianka axɨmanu nanti Jesús: “Iyaɨ champɨti ensoro axɨpekukimia axɨbama toxioma obi iñemo.”

1 Corintios 10:13

Axaño chɨtoxiopɨ aume makokotox axɨna chichepepɨ napasɨu. Axti Tupax chɨmapañantipɨ champɨ ñana makokotox uiti aume axɨna chichepepɨ napasɨu. Axtɨ ane ñana makokotox aume, axti Tupax ityusiankatati ausukarɨ kausane tapɨ abeka ui axɨmanu makokotox, nauki ane napasɨu ɨmo.

2 Corintios 12:9

Tapɨti Yɨriabux Jesús nanti iñemo: “Axɨna nakuasɨrɨkɨ iñemo tyone axɨna naxiantɨmo. Axɨna niñoñema tusiankana nuxia kauta axɨna champɨ kusɨux.” Sane naukiche ñonkatɨ ñemoantoe tyopiki champɨ nisusɨu, nauki ayetɨ sɨtɨpɨñɨ noñemaxti Cristo.

Efesios 5:25

Tapɨ axaño mañoñɨnka, tari aukuasɨrɨ aume naukɨposɨ, takana nikuasɨrɨkɨxɨma ɨmoti Cristo axɨbama ikokoromati, toxioityo uiti nisɨborikixhti tyakuma.

1 Pedro 5:7

Apiñasio nanaiña axɨba nauxiantɨmo mekuti Tupax, tyopiki asaratitɨ autaku.