San Juan 15:22 - Manityanati Tupax

²² “Axɨma champɨ isanempɨ nipɨnatema, axtɨ chisekapɨtɨpɨ xhanuneka ɨmoma. Tapɨ kaɨma champɨ maximiakatax ɨmoma ityopiki axɨba nomɨnantɨ uimia.

Manitanati Tuparrü

²² ‛Champü nipünatempüma arrtü nampü chisecapütü rranita ümoma. Pero como ta chauqui tisecatü rranita ümoma, sane nauquiche caüma ane nipünatema y champü urapoboiboma.

San Juan 15:22 Σταυροειδείς Αναφορές

San Lucas 12:46

au axɨmanu nanenes ñana kauta champɨ ñakionkoxti au axɨmanuintyo horax kauta chɨtusiupɨ ɨmoti, iñataiti maniki ɨmoche aserebiti uiti kaɨma toxio ityakisɨrɨkɨboti, takana axɨbama chɨmakokonaumpɨma.

San Juan 12:48

Axti naki chiyasuriurutipɨñɨ chixhanxtipityo aikokoti nisura, chauki tɨtanati naki uiche ane ityakisɨrɨkɨboti: axɨba nisura oboi ñana ane ityakisɨrɨkɨboti au axɨmanu tyakɨrux nanenes.

San Juan 15:23

Axɨbama chuxiampɨ uimia iñemo, chuxiampityo uimia ɨmoti Iyaɨ.

San Juan 15:24

Champɨ axɨnampɨ nipɨnatema, axtɨ chisamutempɨ axɨpekuma axɨba champɨti isamute. Chauki tastaimia nanaiña axɨba omixhante sobi. Chɨsanempɨ uimia taruku nityɨborixhimia iñemo ɨmotityo Iyaɨ.

San Juan 16:9

Axti naki ane nomɨnantɨ uiti, tyonenti naki chikokotatipɨ nisura.

San Juan 19:11

Auki aiñumuti Jesús nuraxti: –Kiubupɨ ane nɨriaka iñemo, axtɨ chɨtoxiopɨ aemo uiti Tupax. Sane naukiche axti naki uiche aityoximianatiñɨ aemo taruku nomɨnantɨ uiti apɨnanakikɨ.

San Juan 9:41

Aiñumuti Jesús nuraxɨma: –Axtɨ ñemanauntupɨ axaño ausupuka, champɨ napipɨnate oboi axɨmanio nomɨnantɨ aboi. Ui axɨna amukanaño amasakatɨ, ane napipɨnate oboi axɨmanio nomɨnantɨ aboi.

Hechos 17:30

Axti Tupax champɨ nɨmoche uiti tɨkañe, axɨna chɨtusiupɨ ɨmo mañoñɨnka, tapɨ kaɨma bakɨpuruti ɨmo nanaiña iku axɨna kɨx nauki ayematɨ tato esati Tupax.

Romanos 1:20

Axɨna chubastaipɨ uiti Tupax usuputakai ñana, axtɨ makionkaoñɨ ñome nanaiña axɨba omixhante uiti.

Romanos 2:1

Tyopiki axɨna sane champɨ maximiakatax aemo, axtɨ asikia kuata nipɨnatema makiataka, champɨ nɨmoche isane naka. Axtɨ asikia kuata nipɨnatema makiataka, obiatoe aɨkatɨ ɨmo natakisɨrɨkɨ, tyopiki axɨkɨ aisamute tyoneantoe takana axɨna nipɨnatema.

Santiago 4:17

Axti naki tusiu ɨmoti aisamunenti axɨna uxia ta chisamutentipɨ, ane nipɨnatenti.

1 Pedro 2:16

Apisamuse nausɨboriki isiuki nauxiantɨmo, tyopiki axaño apaserebikia ɨmoti Tupax. Tapɨ amonkatɨapae ɨmo axɨna sane chebo aume nauki tyopiki kaɨma apisamute ausɨratai nomɨnantɨ.