San Juan 11:2 - Manityanati Tupax

² Axɨmanu Mariax tyone nikiastyoti Lázaro tyoneintyo axɨmanu iyarapata axɨmanu uxiantai norixh yokɨtɨpɨ nipopesti Jesús auki iñuɨmamakata oboi nityanux.

Manitanati Tuparrü

² Arrümanu Mariarrü tone manu isemata nipoperrti Jesús ui manu perfume urriantai norimia, y sühüburu ito tato uirri ui niqui nitanurrü. Au manio naneneca maunrroconoti Lázaro.

San Juan 11:2 Σταυροειδείς Αναφορές

San Marcos 14:3

Axti Jesús yebotitɨ au Betania, au nipoxti Simón, nɨrixhti uimia leproso. Anankatiki tɨmonsoti, iñatai taman paɨx ane uixh axɨmanu koñoxtai norixh nardo champɨ ane eana, chiyaupɨ nikuax. Auki aiyarapa ityati Jesús axɨmanu koñoxtai norixh.

San Lucas 7:13

Naukiche asaratitɨ Yɨriabux ɨmo, pukɨrusuti tyaku nanti ɨmo: –Tapɨ areoka.

San Lucas 7:19

bakɨpuruti ɨmoma aɨromatɨ esati Yɨriabux, ankirioma pɨnanakiti axtɨ ñemanauntu tyonenti naki kuabotɨ o kuatatiki kiatax.

San Juan 11:21

Marta nantɨ ɨmoti Jesús: –Nɨriabux, axtɨ anankɨpɨ auna, kiubupɨ ako nichɨbauxi.

San Juan 11:3

Sane Naukiche, axɨmanio tox nikiastyoti pakɨpuru aburaboi sukarɨti Jesús: –Axɨkɨ Nɨriabux, maunxokono naturapa.

San Juan 11:32

Naukiche iñatai Mariax esati Jesús, bachesoiyo esati, auki nantɨ ɨmoti: –Nɨriabux, axtɨ anankɨpɨ auna, kiubupɨ ako nichɨbauxi.

San Juan 12:3

Mariax, axɨmanu kiatax nikiastyoti, kuatɨ uixh axɨmanu uxiantai norixh taruku nikuax auki iyarapata yokɨtɨpɨ nipopesti Jesús. Auki iñuɨmamakanio ui nityanux, nanaiña axɨmanu pox atasopo ui norixh.

San Juan 13:13

Axaño amukanaño iñemo Maestro Yɨriabux, uxia axɨna sane nabura, ityopiki ñemanuntu axɨna sane.

San Juan 13:14

Axtɨ axɨñɨ Yɨriabuxɨñɨ xhanunekakaityo aume, ubaxɨbio sobi naupope, saneityo aboi apiyaxɨbisio naupope aumeampatoe.