San Juan 11:11 - Manityanati Tupax

¹¹ Auki nantityo: –Axti uturapa Lázaro anati manumuti, tapɨ axɨñɨ yɨkatɨ istopɨnanati tato.

Manitanati Tuparrü

¹¹ Auqui nantito: —Arrti oesa amigorrü Lázaro chauqui tümanumuti. Pero caüma yecatü istopünanati tato.

San Juan 11:11 Σταυροειδείς Αναφορές

San Mateo 27:52

ubaurɨbo nikɨ makoiñoka. Sɨrɨmanama axɨbama uxia nisɨborikixhimia, axɨbama tɨkoiñoma tɨkañe, sɨborikoma tato.

San Mateo 9:24

nanti ɨmoma: –Apakicho aukina, axɨna kupikixh chɨkoiñopɨ, ane manumu. Namanaiña iyabomati Jesús,

San Marcos 5:39

sɨrotitɨpo nanti ɨmoma: –¿Kausane taruku nautosibi saneampae nabareo? Axɨna kupikimia chɨkoiñopɨ, ane manumu.

San Juan 11:10

Tapɨ axtɨ uñamenka au tobixh opopetabaxikia, ityopiki tomikianene.

San Juan 11:12

Axɨmanuma nesaxti apóstoles namatɨ ɨmoti: –Yɨriabux, axtɨ manumuti Lázaro kausane asikia onxɨka tyakuti.

San Juan 11:13

Axɨna xhanxti Jesús uraboiti sukarɨma ta axti Lázaro chauki tɨkoiñoti, tapɨ axɨmanuma nesaxti apóstoles ñakionkoxɨma manumuti.

San Juan 11:3

Sane Naukiche, axɨmanio tox nikiastyoti pakɨpuru aburaboi sukarɨti Jesús: –Axɨkɨ Nɨriabux, maunxokono naturapa.

San Juan 3:29

Au taman tɨbɨbɨx, axɨna kupikixh aɨbo apo ane petakuti kiana. Tapɨti naki ityurapataxti ikiana anati akamanu onsapetioti nuraxti, taruku nipukɨnunkuxti ui nuraxti. Saneityo axɨñɨ kaɨma taruku nipukɨnunku tyopiki auna nakaxti Mesías.

Hechos 7:60

Auki bachesoiyoti rabotɨ nuxia nityosibixhti: “¡Yɨriabux, tapɨ ane kausane obi ɨmoma yutaku axɨba nomɨnantɨ uimia!” Naukiche tɨnanti axɨna sane, koiñoti.

1 Corintios 15:18

Axtɨ sane, axɨbamaintyo tɨkoiñoma aɨbuti Cristo champɨ nanenekiche aikokoromati.

1 Corintios 15:34

Ausiapata tato ñemanauntu yusiu axɨba omixhia napapanaunku, tapɨ apisamukio axɨba nomɨnantɨ, tyopiki aboma abaxɨpeku axɨbama chisuputarapɨmati Tupax. Sukanañɨ axɨna sane nauki aukɨsoka.

1 Corintios 15:51

Suraboira ausukarɨ axɨna anekana uiti Tupax: chɨnamanaiñampɨ ñana okonka, ta namanaiña ñana iyebo tato nokɨtɨpɨ.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

1 Tesalonicenses 5:10

Axti Jesucristo koiñoti utaku nauki osɨborikia chepeti, sane axtɨ osɨborikiaiki, takanaintyo axtɨ tokonka axtɨ tɨkuatati tato ñana.

Santiago 2:23

Sane uxiante axɨmanu nantɨ iku Nikorox: “Axti Abraham ikokoroti Tupax, sane naukiche uxia nisɨborikixhti au nastaxti.”