Apocalipsis 10:11 - Manityanati Tupax

¹¹ Auki namatɨ iñemo: “Bakɨpukux aemo uraboi axɨba omixhia nixhantɨmoti Tupax aisamunenti ɨmo mayɨriabuka au nanaiña iku axɨna kɨx.”

Manitanati Tuparrü

¹¹ Nantito iñemo: —Urria arrtü aeca tatito uraboi nurarrti Tuparrü yocütüpü manio sürümana puebluca, nacioneca, mayüriabuca y arrübama auqui piquiataca manitacaca.

Apocalipsis 10:11 Σταυροειδείς Αναφορές

Apocalipsis 10:10

Yasutiu axɨmanu kichonimiakax mekukiti maniki ángel, auki ixhate. Ñemanauntu, usiña saiñɨ takana nu'ux, naukiche tɨpiunkunu sobi ñonkisio pichananene sɨbobiñɨ.

Apocalipsis 11:1

Toxio uimia iñemo taman soema uiche xhameninaka takana bapax, auki namatɨ iñemo: “Atɨsai akosi aimeninaka nipoxti Tupax axɨmanuintyo altar, aipiakɨmunkusuma axɨmanuma manaunuma akamanu.

Apocalipsis 11:9

Trex naneneka kɨmuintya pɨrɨkɨ, axɨbama mañoñɨnka auki kiatax narɨkɨkixh, kiatax ñanityakaxɨma astaimia nikuntuxɨma chichebopɨ uimia nauki aiñama kɨtu.

Apocalipsis 14:6

Auki yasakatɨ ɨmoti kiatax ángel basoroti auki petaisɨrɨ iku napes. Abe uiti omixhia manityakax axɨna chɨtakɨnunaumpɨ, nauki uraboiti sukarɨma namanaiña axɨbama aboma iku kɨx.

Apocalipsis 17:10

Cinco axɨpekukimia axɨmanuma siete mayɨriabuka chauki tɨkoiñoma, axti maniki taman yɨriabuxti kaɨma tapɨti maniki kiatax chiñataitikipɨ. Axtɨ kuatati ñana, chabaityuxɨpɨ nakaxti.

Apocalipsis 17:12

“Axɨmanio diez tyapakɨka asakio tyonema diez mayɨriabuka ñana. Ɨmo tamantai horax yasutiuma ñana, chepe axɨmanu numukianx yarusɨrɨx nɨriakaxɨma.

Apocalipsis 17:15

Axti maniki ángel nantityo iñemo: “Axɨmanio nusɨruka astai, ubabeuche ane tɨmonso axɨmanu tyasux paɨx, tyoneio poka, mañoñɨnka, manityakaka.

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.