2 Timóteo 2:13 - Kashinawa : Diosun Jesúswen taexun yuba bena yiniki

¹³ Jamen nukubu nun shinan betsa betsapa wai chintunbiamisken jatunan, jawa shinan betsa betsapa waisma ikunkainunbadikiki, jaskatan jamebi ibubis chani chakatidumadan.

Kaxinawá Bíblia (BR)

¹³ Hamẽ nukubu nũ xinã betsa betsapa wai txĩtũbiamiskẽ hatunã, hawa xinã betsa betsapa waisma ikũkaĩnũbarikiki, haskatã hamebi ibubis txani txakatirumarã.

2 Timóteo 2:13 Σταυροειδείς Αναφορές

Mateus 24:35

Jakia jabiaskadiai nai anua inun mai anua Diosun damiwani jabu keyuxankanikiki. Jakia en janchawen bebunkidi en matu yusiainan, binuama menepakexanikiki.

Romanos 3:3

Ana jabiaskadi jadatutunda ea yukakin yuikin: “Judiobu betsabun Diosun jancha ana chibanma danainbuwen taexunan, ¿jawada Diosun nun judiobu nuku yubani betsa waxanimenkain, nuku danankinan?” ea wabu:

Romanos 9:6

Jaska Dios Israelbu jatu yubanidan, Diosun jawa betsa wama jawen jancha kushipa jawa benuamaki. Jaskabia Diosun jatu yubani ikunwankin ja Israelin baba ichapabun chibanbumawen taea jabu Israelbu kayabi itidubumaki.

1 Coríntios 1:9

Ja inun, Diosun bake nukun Xanen Ibu Jesucristobe man jiwekubainxanunbun Diosun matu katunitun duawakin jawa matu jakimakin jenebainama ixanikiki, jaska yubakani amis betsa wakin kaneismawen taeadan.

1 Tesalonicenses 5:24

Jaska wakin Diosun matu katunixun jenebainama matu pepawakin menexunxanikiki.

2 Tesalonicenses 3:3

Jaska wakin Satanásan matu kanemakatsis ikaya nukun Xanen Ibu nuku jakimaismatun nuku xununbainama matu kushipa wakin mekekin chakabu matu binumakubainxanikiki.

Tito 1:2

Dios chanichakaismatun mai damiwadiama jawen janchawen jiweakidi yubakani jatun jiwea ikibi ika tsumatun jawa betsa wama ixanai nun manaii.

Hebreus 6:18

Jaska Dios yubakamis yubanametan maewai chani chakaismawen taea jawen nukuwen nuixanai nun jaki iduxanunbun ja ikunwankin manakanankanwen, nuku axunxanikikidan, jawen taea yubakaniwenan.