San Marcos 14:5 - Manitanati Tuparrü

⁵ Abu puerurrüpü aipiaventeca itobo trescientos denarios (trescientos jornalerrü) o hasta manrrüqui, nauqui aruquipü atorri ümo bama pobrerrü. Sane nauquiche tüboricoma ümo manu paürrü.

Manityanati Tupax

⁵ Abo uxiampɨ axtɨ pabenteo ityobo nikuax trecientos naneneka nubachɨkoi auki atoxi ɨmo axɨbama takisɨrɨma. Sane naukiche chuxiampɨ nuraxɨma ɨmo axɨmanu paɨx.

San Marcos 14:5 Σταυροειδείς Αναφορές

San Mateo 18:28

Pero arrti maniqui mosorrü nauquiche tanati tato türüpo, icuñunutiti maniqui quiatarrü mosorrü icumpañeruturrti, naqui ebeoti chimiantai ümoti. Iñenotiti auqui nitapeurrti, itumenotiti, tüsaipü aconti uiti. Auqui nanti ümoti: “¡Apaca iñemo arrone nebequi!”

San Mateo 20:11

Nauquiche tiyasutiuma manu pagorrü, uratoquioma ümoti maniqui iyoche.

San Mateo 26:9

Abu puerurrüpü aye chama monirri itobo, nauqui atorri ümo bama pobrerrü.

San Marcos 14:4

Uturuqui manuma amoncoma acamanu ünantü ümoma. Namatü ümomantoe: —¿Causanempü nauqui aiñensonoco manu nasaite?

San Marcos 14:6

Tapü arrti Jesús nanti ümoma: —Asio sane, tapü abasiquia icuata. Arrüna isamute iñemo, ta urria.

San Lucas 15:2

Tapü arrübama fariseorrü y bama manunecana nüriacarrü ünantü ümoma, namatü: —Arrti naqui ñoñünrrü anati ichepe bama malorrü, y basoti aübuma.

San Juan 13:29

Ñaquioncorrüma bacüpuruti Jesús ümoti Judas na acomporati utuburibomainqui ümo pierrta, o nauqui acheti monirri ümo bama pobrerrü, itopiqui arrti Judas tonenti naqui ane uiti manu pusanese auche ahübu nimonirrimia.

San Juan 6:43

Auqui nanti Jesús: —¿Causane ünantü aume arrüna nisura?

San Juan 6:7

Auqui iñumutati Felipe: —Arrtü anempü osoi doscientos denarios puerurrüpü pario macompora pan, nauqui bachepü taiquiana peasomantai ümo cadati taman.

1 Corintios 10:10

Tapü apanitaca churriampü ümoti Tuparrü tacana arrübama tüboricoma ümoti tücañe. Itopiqui cuati taman ángel yacüpucurrti Tuparrü, nauqui atabaiti ümoma.

Efesios 4:28

Arrti naqui cusüpürrü tücañe, caüma tari iñoconati manu churriampü yachücoiti. Tari yatrabacarati nurria, nauqui acanati arrüna tuburiboti, y nauqui ane ito pario nimonirrti ümo bama pobrerrü.

Filipenses 2:14

Tapü ünantü aume nausüboriqui, y tapü aburatoquiquia ümoti quiatarrü.

SAN JUDAS 1:16

Arrübama mañoñünca yuratoquiorrüma y tarucu nuncurrüma ümoti quiatarrü. Bapacheroma ito niquiubuma causane nauqui aye uimia nirrantümoma. Isamutema isiu nirrancarrüma ñome ba chomirriampü. Tarucu nivianucurrüma. Coñorrtai ñanitacarrüma ümo maquiataca, abu iyo arrüna urria ümoma.