Mahtae 7:13 - Plang (Blang)

¹³ Lec leuvaˊ seuepˊ naˊ reuˊ. Kopti leuvaˊ vah samˊran ri long naˊ meuh a hk'aˊ heulˊ lec vang lulaic naˊ. Peue lec leuvaˊ awnˊ a naˊ ce kueˊ heunˊ nyawkˊ.

Mahtae 7:13 Σταυροειδείς Αναφορές

Mahtae 23:13

Peue guil leukahˊ ritroe maeeˊ peue Hparisaeˊ meuh peue leukahˊ seungaˊ hpumˊ vokˊ naˊ peˊ, kaw peˊ pun ri hkamˊ hk'aˊ jhaˊ naˊ. Kopti sawngˊ peˊ leuvaˊ ka kuingˊ pang maoˊ naˊ ri peue. Peˊ ri meun, peˊ hkuinˊ lec a. Naˊ peue kaw lec a, peˊ tang unˊ kah peue lec a.

Mahtae 25:41

Hawcˊ koˊ, Eun kaw lahˊ a ri peue utˊ hk'aˊ aˊveˊ ri naˊ ce, ‘Peue pun ri hkamˊ hk'aˊ jhaˊ naˊ peˊ, puc peˊ heulˊ hk'aiˊ Uiˊ reuˊ. Heulˊ lec hk'aˊnaee ngawl haˊ cotˊcu vang pun ri rangraen ri uinˊ ri pun seucaˊ rai naˊ maeeˊ tapaeˊ ka naˊ ce naˊ.

Mahtae 25:46

Hawcˊ koˊ, peue aenˊ ce kaw kah ri pucti heulˊ rap ri ti hk'aˊ ciyang cotˊcu naˊ. Daecti peue leupaws seumeuˊ naˊ ce kaw pun ri lec vang aˊyu imˊ cotˊcu naˊ.”

Mahtae 3:2

Eun lahˊ, “Kopti kuingˊ pang maoˊ naˊ kaw a hk'awsˊ rot hawcˊ naˊ, tawsˊ hpumˊ fuin mapˊ ri naˊ reuˊ.”

Mahtae 3:8

Punta kaw a meuh saˊhkiˊ ka tawsˊ peˊ hpumˊ fuin peˊ mapˊ ri hawcˊ naˊ, yeuh kuˊ chakˊ naˊ reuˊ.

Mahtae 7:14

Daecti leuvaˊ hk'aˊ heulˊ ri vang aˊyu imˊ naˊ seuepˊ ka. Peue sok ri nyu a naˊ ce leng.

Luˊka 14:33

Seunˊ awnˊ na, hk'aˊnaee peˊ ri saecˊ meuh aˊnhawˊ, eun lawn unˊ tec kuˊ kueˊ ri naˊ gawmˊeucˊ ka koˊ, eun kaw unˊ cang meuh tapaeˊ Uiˊ.

Luˊka 9:33

Yam peue lalˊ peue awnˊ kaw ka gahˊ hk'aiˊ Yesuˊ Eun naˊ, Petruˊ eun lahˊ a ri Yesuˊ Eun, “Cawoˊ, utˊ eˊ maenˊ naˊ chakˊ ka. Pawh, eˊ naˊ plengˊ tupˊ loeˊ lhangˊ, pun Mi ti lhangˊ, pun Moˊse ti lhangˊ, pun Eˊliˊya ti lhangˊ.” (Eun unˊ yawng kuˊ lahˊ ri naˊ meuh a keunhawˊ.)

Yoˊhan 10:9

Uiˊ meuh leuvaˊ awnˊ na. Aˊnhawˊ lawn ingˊ lec Uiˊ koˊ, eun kaw pun ri lawtpon. Eun kaw lec lih a. Eun kaw nyu rip seungal vang saee chakˊ naˊ.

Yoˊhan 14:6

Yesuˊ Eun topˊ a, “Meuh Uiˊ hk'aˊ, hk'aˊ leupaws seumeuˊ maeeˊ hk'aˊ aˊyu imˊ naˊ. Aˊnhawˊ lawn unˊ ingˊ ri Uiˊ koˊ, eun hkuinˊ kaw cang rot ri Aˊkuiingˊ Eun.

Peue caee 3:19

Kop awnˊ na punta Peucawoˊ kaw Eun saicˊ ri tec mapˊ peˊ naˊ, tawsˊ hpumˊ fuin mapˊ ri hpawtˊ ri ingˊ ri Peucawoˊ Eun reuˊ. Peˊ lawn yeuh keutitˊ koˊ, hk'aˊ kuit samˊran naˊ a kaw lih neum Peucawoˊ Eun,

Roˊma 9:22

Seunˊ awnˊ na, Peucawoˊ Eun lawn sumˊ yeuh hk'aˊ seungeuengˊ ri naˊ maeeˊ sumˊ kah tiˊca ri naˊ pucti lih glihˊgleuengˊ koˊ, daecti Eun lawn yeunˊhkam a pun peue kuˊ rangraen Eun ri uinˊ ri kaw yeuh ce lulaic naˊ ce koˊ, eˊ ciˊ kaw lahˊ a yeuh saˊnhawˊ?

2 Kawˊrinhtuˊ 4:4

Punta peue unˊ yumˊ naˊ kaw ce unˊ cang nyu kuˊ cengˊ ka leukahˊ munˊ renˊkawn munhpungˊ keuting Eun Hkrit Cawoˊ meuh ruprang Eun Peucawoˊ naˊ, peucawoˊ ka cu maetˊmaenˊ naˊ a yeuh hpumˊ ce naˊ ngaiˊ fecˊ.

2 Kawˊrinhtuˊ 6:17

Peucawoˊ Eun ku lahˊ a hk'aˊnaee htawm Seungaˊ ton kuˊ seubu naˊ, “Pucti heulˊ hk'aiˊ ce, hkvetˊ ri sawngˊ utˊ reuˊ. Pawlaee paicˊ kuˊ unˊ chakˊ unˊ seungaˊ naˊ, hawcˊ koˊ, Uiˊ kaw rap ri ti peˊ.”

Galatiˊ 5:24

Peue utˊ hk'aˊ Eun Yesuˊ Hkrit naˊ tawkˊ ce alo taˊnhaˊ ka hk'aˊ nhamˊ keune ri naˊ pang kleumˊ rawngˊtawpˊ naˊ hawcˊ.

Hpiˊliˊpiˊ 3:19

Hk'aˊ tisutˊ ce naˊ kaw a meuh hk'aˊ lulaic. Peucawoˊ ce naˊ meuh a keuteul ce naˊ. Ce mhawngˊ ri hk'oˊcuin maeeˊ kuˊ htukˊ ce ri kaic naˊ. Ce taˊ hpumˊ ri naˊ ri kuˊ toˊ ri hk'aˊ bhenˊ keuteˊ naˊ.

1 Yoˊhan 5:19

Yawng eˊ meuh ri konˊ Eun Peucawoˊ, maeeˊ yawng eˊ bhenˊ keuteˊ naˊ gawmˊeucˊ utˊ ka hk'aˊruim vang uˊpeung ka seucaˊ rai naˊ.

Tuhˊ ri tuilˊ 12:9

Peuyong keuting naˊ a pun ri fatˊ ri tec ri lih. Peuyong awnˊ a meuh seueuengˊ leumahˊ naˊ, peue klawng a meuh seucaˊ rai, aˊkoˊ meuh Satan. A copˊlong peue bhenˊ keuteˊ naˊ peue kleucˊ hk'aˊ ri gawmˊeucˊ. A pun ri fatˊ ri tec ri lih pang bhenˊ keuteˊ naˊ maeeˊ inˊhpom ri naˊ ce tiduihˊ.

Tuhˊ ri tuilˊ 13:8

Peue bhenˊ keuteˊ gawmˊeucˊ naˊ ce kaw faeeˊ satˊ rai awnˊ na. Peue awnˊ meuh ce peue unˊ kueˊ muis hk'aˊnaee htawm civit imˊ Eun Konˊyungˊ kuˊ pun ri hkamˊ toh peue ri tangˊ neum yam hpanplengˊ bhenˊ keuteˊ naˊ Eun.

Tuhˊ ri tuilˊ 20:15

Aˊnhawˊ lawn unˊ kueˊ muis temˊ ri nang htawm civit imˊ naˊ koˊ, eun kaw pun ri hkamˊ nyon ri hk'uicˊ nang glu ngawl naˊ.

Tuhˊ ri tuilˊ 20:3

A lawn unˊ nang nuk hk'oˊ tihengˊ neum koˊ, punta kaw a unˊ cang copˊlong peue baee naˊ, eun nyon a lih nang keutongˊnyarok ruiˊ naˊ, eun sot sawˊ tawkˊ taˊraˊ ri ka. A lawn nuk tihengˊ neum koˊ, a kaw pun ri ploeˊ ri ti cu hkaoˊ.