1 Petruˊ 4:9 - Plang (Blang)

⁹ Rap ri ti puri meulamlam ri, pawlaee vuinvaw.

1 Petruˊ 4:9 Σταυροειδείς Αναφορές

Hebraeˊ 13:2

Pawlaee pil kaw ri rap ri ti checˊ unˊ duing nyu naˊ ce. Kopti kop meuh a yeuh keutitˊ naˊ, peue ngonˊ naˊ ce tawn pun ri rap ri ti inˊhpom naˊ ce maeeˊ unˊ yawng ri.

Roˊma 12:13

Gvah ri tuilˊ ri peue Eun Peucawoˊ kuˊ cuthkuinˊ naˊ ce reuˊ. Yeuh ri kueˊ hpumˊ vahveung rap ri ti checˊleu naˊ ce reuˊ.

Hpiˊliˊpiˊ 2:14

Punta kaw peˊ unˊ laee kueˊ vang ri naˊ maeeˊ kaw peˊ kueˊ hk'aˊ seungaˊ chakˊ naˊ seunˊ meuh peˊ konˊhk'i Eun Peucawoˊ unˊ laee kueˊ vang ri hk'aˊnaee peue chiˊlai ri hk'a naˊ ce naˊ, kah peˊ yeuh ku ceu naˊ hk'aˊnaee vang unˊ vuinvaw peˊ, aˊkoˊ unˊ htuˊhtingˊ puri naˊ reuˊ. Htukˊ peˊ ri tilˊ kuˊ cengˊ naˊ nang ngonˊ ce peue mapˊ naˊ seunˊ seumeuengˊ naˊ tilˊ a pang maoˊ naˊ koˊ.

Hebraeˊ 13:16

Pawlaee pil kaw ri yeuh kuˊ chakˊ naˊ maeeˊ gvah ri tuilˊ peue isˊ naˊ awh. Kopti kuˊ tan yeuhkiˊ naˊ hitˊ a ri hpumˊ Eun Peucawoˊ.

Tiˊtasˊ 1:8

Daecti kah ri meuh peue cang rap ri ti checˊ, leumeusˊ kuˊ chakˊ, pawn sati ri, meuh peue leupaws seumeuˊ, seungaˊ chakˊ maeeˊ cang eutˊ hpumˊ ri.

1 Tiˊmoˊse 3:2

Nang roksaˊ muk konˊ Hkrit naˊ kaw eun kah ri meuh peue unˊ kueˊ vang ri peue ri, kueˊ yawo beunˊ ti peue, cang uinˊ sati ri, cang eutˊ hpumˊ ri, meuh nang kuingˊ ri hkopyawmˊ, cang rap ri ti checˊ, cang sangsawnˊ peue seubu,

Yakopˊ 5:9

Ecˊawngˊ naˊ peˊ, punta kaw peˊ unˊ pun ri hkamˊ hk'aˊ tawsˊ aˊmu naˊ, pawlaee tangˊ mapˊ ri puri. Keueˊ reuˊ, Cawoˊ tawsˊ aˊmu naˊ cawng Eun keunam leuvaˊ naˊ hawcˊ.

2 Kawˊrinhtuˊ 9:7

Peˊ ri ku peue, htukˊ peˊ ri tan hotˊ seunˊ kuˊ kuit peˊ deut hk'aˊnaee hpumˊ ri naˊ. Pawlaee yeuh a maeeˊ hkoeˊmangˊ ri a, aˊkoˊ maeeˊ meuh a hk'aˊ tecˊteng naˊ. Kopti Peucawoˊ leumeusˊ Eun peue renˊkawn tiptan naˊ peue.

Hpiˊleˊmon 1:14

daecti cu unˊ nang pun uiˊ ahkvang ka ri mi naˊ, uiˊ hkuinˊ nang sumˊ yeuh keunhawˊ. Punta kuˊ tuilˊ mi ku ceu naˊ kaw a meuh kuˊ sahpawˊ mi ri tuilˊ naˊ, a kaw unˊ meuh kuˊ tecˊteng naˊ.

Roˊma 16:23

Gaiasˊ kuˊ hpumˊ vah hpumˊ hk'oˊrenˊ rap ri ti uiˊ maeeˊ rap ri ti muk konˊ Hkrit maenˊ naˊ eun ku tawmˊ a lahˊ ri leunyeng ri peˊ. Eˊratasˊ cawoˊ roksaˊ leumuil ka veng aenˊ a naˊ eun maeeˊ Hkeotasˊ ecˊawngˊ uiˊ naˊ ka tawmˊ a lahˊ ri leunyeng ri peˊ.