Romu 9:3 - BAṈARA KO VAIRU AMA LEVELEVEO

³ se Izireli amu kale avo, se a maba dara madu! Ko roveo tauvemo se aṉako kovo vo Baṉara ko levezo ni aṉako pitasio vo Karisito kasi azo tea, aqa zario nio levezio seko kio kale avo.

Romu 9:3 Σταυροειδείς Αναφορές

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

Iruruputo 22:5

Ṉisa Siama ni koa pado ama Kauniseli madu ta ke rovea tuvevo pueko aṉa kialani ko tuveano. Aṉata ada ma koe se kama zariekato sama leta koko soroima se Jiu amu kasi Damasikasi ke evani. So sole aṉata a olake sai tu aba noqoemo sea maba poso seke luluekani koa vairu ama lotu ko keve tu mati vaito koi Jerusalema piriemole se ni koqotaemole se.

Iruruputo 28:21

Ni seta eri kikelake vokasi, “Eṉeta pui ṉe qoa kama leta Jiudia azo ṉoko bazu sama, ni puliala eṉe kale ala ta o kueva sai kazo kama bazu sate tu ruqe kaseṉo opa elo ṉo.

Romu 1:3

Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale,

Romu 11:1

Noi nio, vo Baṉara ta o ṉamume ni o edolime o ṉaviko maba madu kio? Maba pui! Ako aṉa inio kala pado lala Izirelia lala sole, ni aṉa inio kala pado vo Ebarahami ko vikuvikula kalea lala, ni kala pado vo Benijimane ko toutou kalea lala sole.

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 16:11

Roquano se Arisitobulasi saidi kasi, ni roquano Herodiani kasi, Jiu ala aṉavo lolo, ni sea lotu tamania Naesesasi ko saidi kale amu kasi.

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

Romu 16:7

Ni aṉako roquano Adoronikasi ni Jiuniasi kasi aṉako maba kidi Jiua nioqa qo eveni nioqa aṉa sase pirito pade kale, uri ama apositolo kidi ka kikelani nioqa, ni kuleto Karisito qo lulueveni nioqa aṉa puliako luluevo.

Romu 9:2

Aṉako upotuqu ta matu ti matuma ni aṉako bulo kale ama tola ta paito pide ama

1 Koriniti 12:3

Sokale aṉata a mela zaria me tu paqumukomo ko puliala vo o pesiani Tabu ala Auvana kale ta eri pa kiovou, “O leveziovou vo Jisu!” ni puliala ta eri pa kiovou, “Jisu ta Lekasa inio,” vo pui Tabu ala Auvana kale o pesiani.

1 Koriniti 16:22

O leveziovou vo pui o roquevani vo Lekasa! Marana tha—Vaite, eṉevo Lekasa ṉa!

2 Koriniti 12:15

Ni aṉata aqai zoleilou tu ṉamuko kiadama aṉako lomaloma ni aṉako pado ama saevo meko tauvemelo kale. Noi nio? Ko meko roquelo aṉa ta saratata ko elou ako aṉata a matu roquemela me sole kio?

Qelesia 1:8

Ko ikio koa tuvevo ama Bazu ko eṉe lula ṉe melai bazuekema me. Melai eṉe azo kala, ma se aukale ama mateana madu azo kala ta okai bazubazutou edoloma pado uri ama bazu tea, aṉata aqa zario nio vo Baṉara ko levezo tu ko elo vo tona!

Qelesia 1:9

Aṉata a qaseke komi quli lulavo, melai mata a dova kaseka. Ako kake ta ke melai bazueka sole kama edoloma bazu ko me lula me dukiekema Bazu kasi azo ama, so sole vo Baṉara ko levezo ta ko elou se tona!

Qelesia 3:10

Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Epesasi 6:5

Me mabaku poso mela meta zorimomo meko miduku kale ama lekasa poso meko ṉalo ni paṉao kale. Ni meta erekomo ko quli meko tuvevo ama bulo kale omadeuvo meta me zoriva jari vo Baṉara.