Romu 7:4 - BAṈARA KO VAIRU AMA LEVELEVEO

⁴ Sokale avo me, aṉako tamania kalea mela, Mosese ko Bazu kati vailo kale azo meta lula meda zomana vou vo Karisito sate, ni erisaṉa meta voko mela inio vo o saeveni voukale azo, tu animeta me uria va nabuluputou vo Baṉara.

Romu 7:4 Σταυροειδείς Αναφορές

Matiu 26:26

Nio se kebeta vuata keru inio Jisu ta o koake ko bereti, ni mauru o ikake, ni o palamukake ni o katimake voko disaipeli madu, ni eri kiolake, “Komi ta ko mamola pueka aṉako tupu. Meta komo ni kumo,” kiolake.

Maka 4:20

Melai kake maba poso ta koa sisu koko piako uri ama miduku kale jari. Nio se inio ke viqani koa bazu, ni ke tukiekani, ni kota kota epamata, ni kama koko epa ko rurururu ta zouke toni sisu sama, ni kama ta varimuja toni, ni kama ta omadeu paizana sama,” kiolake vo Jisu.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Jone 3:29

Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

Jone 6:51

Aṉata noqola kama bereti lala a jaqoreni lala aukale azo. Vo o vuovo ala voa bereti ta noqola saevo o elou. Koa bereti aṉa a qativo ama voa maba ta aṉako marabau kio, ko aṉa a qatimo ama peuru ma peuru kale amu aṉako voukale tu seta ke pakiovou,” kiolake.

Romu 6:11

Sokale avo meta kerukeruekomo ko meta vou mela jari inio sarueko vasia rana, melai mata omadeu saevo me eva vo Baṉara sase vo Jisu Karisito ko saevimelo kale me.

Romu 6:14

Koa sarueko ta maba pui ko lekasa puilou meko saevo kale, ako meta pui bazu ko poro kale me evani mela sole, melai meta me eva vo Baṉara ko pakiezato sama roquano kale.

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

Romu 7:3

So sole kota ko elou kala edolola maba kasi so keru kovo lasive obeta saeva keru, ta kota kota pauvezata inio; melai so keru kovo lasive lula o vouva keru koa reko ta ruparupasi ama ikio koa bazu kasi azo, ni kota pui ko pauvezata so keru koko raeva keru kala edolola maba.

Romu 7:6

Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 10:16

So keru anime me nozueka keru koa vaini ko ju ko anime mevai ilusikako animevo Lekasa ta ko kaseka animeko omadeu kai elo vo Karisito ko dara. Ni so keru anime me qua keru koa bereti anime me balamukako ta ko kaseka animeko omadeu kai elo vo Karisito ko tupu.

2 Koriniti 11:2

Aṉako melai konoilo me ta omadeuvo vo Baṉara o melai konoiva me jari; meta omadeuvo kama pado bulebule ama sinaqu rusu jaria mela ko aṉa lula a qati korotivani omadeu pado maba tu ko raevo, vo o ṉavi Karisito.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Qelesia 5:18

Melai meta me zarievou vo Baṉara vo Auvana tu o odiemelou me, so inio kasa ko elou ta meta pui vo Mosese ko Bazu kale me evani mela.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 4:17

Ni tuvevo avole aṉako so kio ta pui aqai zariako ikio kovo kama puaro. Melai aṉata aqai zaria tu meta uri ama ṉi saṉa me elou ko quli meme erekako quli kale.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 1:22

melai erisaṉa vovo Meqora ko tupu kale ama voukale Baṉara ta lula o daipaemela o ṉavi tona. Vota soa daipaemelo o eva, tu vota tabu o imelo me ni bulebule ni sarueko pide o imelo tu o amaqimelo voko tanama kale.

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

Kolosi 2:14

Lulavo animeta kuiripato samela, ako animeta me bikoirike Baṉara ko bazu poso sole ko anime kuiripato saṉa ko imelema. Melai vota ota mela maba saqaeke koa sarueko poso vo Karisito kai patoilo ni voukale korosi topi.

Kolosi 2:20

Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

Kelokelozato 19:7

Animeta me zurailo ni me zoleilo, ni mevai ilusiko voko lekasa puo! Ako vo Sipi Meqora ko bau vuato ko taku ta lula kota baroa sole, ni voko reko ta lula koka inainaovako ko navi sole.

Kelokelozato 21:9

Ni kala pado sea sikeura mateana poso se sikeura teamuteamu sikeura tovatovama ave kokai sukatako samu kale ala mateana ta o kuevake aṉa kasi ni eri kiolake, “Kua tu aṉa kaseko ko sinaqu rusu, vo Sipi Meqora ko reko,” kiolake.