Romu 3:9 - BAṈARA KO VAIRU AMA LEVELEVEO

⁹ Uri, tani, eṉe Jiu amu ṉela ta sidopua ṉela vo Baṉara ko vilu kasa kobe kai paloasa se pui Jiu amu ko sidopu, kio? Maba pui! Aṉata lula uria zakaremu a mela ika ko se Jiu amu ni se pui Jiu amu ta kebeta eva muli sarueko ni ruqe ko pizato kale.

Romu 3:9 Σταυροειδείς Αναφορές

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Romu 1:18

Vo Baṉara ko korakorailo ta kasa ko eva aukale azo se ruqe ama maba madu ko sarueko ni ruqe ama keve kale seke tizaekani ko tuveano seko ruqe kale.

Romu 11:32

Ako vo Baṉara ta o vaemake kiadama maba poso seko bikobikoirato kale tu sea kiadamu ta ke kovou voko roquano.

Romu 11:7

Sole komi ta koko paitopaito. Se Izireli amu ke vailikema quli ta pui kepa koe. Melai kama poso madu vo Baṉara o pitoemeni pala inio ke koe ko; ni matu kubo madu ta zokele bulo o imake ni pui kepa viqe vo Baṉara ko nokao.

Romu 2:1

Melai ṉoṉo ditizimani ṉa se edolomu koa ruqe poso kale ta pui ṉoba taka zoliovou, ko ṉota kala pado ṉa inio sole. Ako so keru ṉo ṉobe titizima keru se, ṉo melai ṉobe ereka soama iruruputo seke erekako jari ama, ṉota ṉoda kuirizia inio ṉo ṉavi.

Romu 3:1

Sole uri kio ko Jiu elo, saita inio ko pui Jiu elo, kio? Ni kama uri ama quli ta ko puratika ko moveilo, kio?

Romu 3:19

Animeta me baqumuka ko Bazu kikolani ta ko kaseiva sea kiadamu kasi, se koa Bazu ko pizato kale ke evani, tu kota ko epeziko maba poso kati zolio seko ruqe, tu pado ama peuru ma peuru kale amu ta ke elo vo Baṉara ko titizato kale.

Romu 3:5

Melai esa kala ta eri kiovou, “Animeko ruqe ta kasa ko ika vo Baṉara ko sidopu,” kiovou, ta noi nio kimevou anime? Ta esa Baṉara inio pui sidopu ala vo o melai koqotaeka keru animeko ruqe kimevou, kio? (Kota se maba poso be kikevoavo kuimanao nio.)

Romu 6:15

Sole, noi nio? Animeta me jaruekou, ako animeta pui bazu ko poro kalea mela, melai vo Baṉara ko pakiezato sama roquano kalea mela sole, kio? Maba pui ti pui!

Romu 7:14

Animeta meqai nianiia ko Mosese ko Bazu ta auvana ko quli kio; melai aṉata kala maba lala tupu kale a jaevani lala, ni lula sarueko ko mabaku a evani lala.

1 Koriniti 10:19

Aṉako so kio ta ko beku ni koa sailao koko katiziako beku kasi siqato kale ta kama kalo sama quli kio, kio?

1 Koriniti 14:15

So sole noi nio a qalou? Aṉata a vararaitou Tabu ala Auvana ko pesio kale, ni aṉata mata a vararaitou a ṉaviko pesio kale; aṉata a qeraovou Tabu ala Auvana ko pesio kale, ni aṉata mata a qeraovou a ṉaviko pesio kale.

1 Koriniti 4:7

Ako lala inio raura o iṉe ṉo edolomu kasi azo? Ni pui vo Baṉara inio o katiṉeni ṉo kiadama quli ko ṉoṉo ṉeamukako quli, kio? Zio, vokasi azo inio ṉo qoe koa kiadama, nio noi sole inio ṉota ṉoda aikaiva, ni ko quli ṉoṉo ṉeamukako ta pui katizato jaria kerukerueko ṉo eva?

Qelesia 3:10

Melai se kekai qaraqaraivani Mosese ko Bazu ko lulueko kikelani ta ke leveziovou, ako ko Tabu ama Riki kikovevo ta eri nio sole, “Vo pui o lulueko ala koa kiadama Bazu koko rikiziovima vo Mosese ko Bazu kale ama ta o leveziovou,” kikovema.

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Pilipai 1:18

Melai aṉata pui tapata kerukerueko a eva seko zaraelo aṉa. Ako ko qulepo ama quli ta seta kevai bazubazutou sole vo Karisito. Melai seta ke erekou uri ama vatolo kale ma ke erekou ruqe ama vatolo kale melai aṉata aqai zoleiva. Ni aṉata abeta zoleilou,