Romu 3:2 - BAṈARA KO VAIRU AMA LEVELEVEO

² Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

Romu 3:2 Σταυροειδείς Αναφορές

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Iruruputo 7:38

Vo inio vo vo o eveni Izireli ama qoqono sase seko padoilo kale lealea kama zaekale, vo inio sai o eveni animeko taite poso sase ni voa mateana sase vo o pesiovini Sainai sopu kale, ni vo inio o koeni vo Baṉara ko saevoma bazu ni vo o melai vikuekeni anime.

Romu 1:2

Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale.

Romu 2:18

meta me baqumuka ko quli vo Baṉara okai zariako tu me ereko, ni meta lula me baqumuka koa Bazu kale tu me bitoekou sidopu ama quli, kimela;

Romu 3:1

Sole uri kio ko Jiu elo, saita inio ko pui Jiu elo, kio? Ni kama uri ama quli ta ko puratika ko moveilo, kio?

Romu 3:3

Melai kake seta vilua nabuluputo ke evake, so sole vo Baṉara ta pui kerula inio opa elou sekasi, kio?

Romu 9:4

Se inio vo Baṉara ko maba madu ni se inio voko meqora poso o imeni, ni omai kasa puekeni voko ṉaṉaidara kama pizato; ni se inio mata omai vikuekeni voko piza kama leveleveo poso ni o katimeni Mosese ko Bazu; ni se inio ke ṉeamukeni ko tuvevo ama ilusato ko keve; ni se inio mata vo Baṉara leveleveo oma ikeni voko pakio.

1 Koriniti 9:17

Aṉata a erekani lala aṉako iruruputo a ṉaviko vatolo kale tea, a roveo nio kovo ko tabara; melai vo Baṉara ta o lati sorueka koa koidi tu aṉata a erekou komia iruruputo.

2 Koriniti 5:19

Koa eṉeko koidi ta kai bazubazuto ta vo Baṉara ta pui omai vaitoeka se maba poso ko sarueko poso ko vaitotola, ni vota lula o katiṉela eṉea apositolo ṉela koa bazu voko ka zario mati odouvikinio sea kiadama maba poso seko omadeu vati elo vo Karisito kale ko sama.

Qelesia 2:7

Sea vilua pikopiko madu ta pulia quli kepa kati paqulike aṉa aqai bazubazutako Bazu melai seta ke keake ta vo Baṉara ta o katile aṉa ka pado koidi, omadeuvo Pita o kativema jari ama. Ako vo Baṉara ta o kative koa iruruputo vo Pita tu omai bazueko ko Uri ama Bazu se Jiu amu, ni Baṉara ta o katile aṉa komia iruruputo tu aṉata a melai bazueko ko Uri ama Bazu me pui Jiu amu mela.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

Hiburu 5:12

Erisaṉa meta lula ko male tu nianiiekato ko maba elo, melai meta pui nio me ereka. Edolomu inio kebe melai nianiiekika ko kuleto ama bazu poso vo Baṉara ko bazubazu Jisu kale avo. Meta me male kuo ko zokele ama sailao se muqaroma maba poso jari, melai meta mebeta nozuta ko susu.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

Kelokelozato 22:6

Ni vo mateana ta eri kiolake aṉa kasi, “Komia bazu ta tuvevo ni kerula kama bazu. Ni vo Baṉara vo o katimani voko Tabu ama Auvana se poropita madu, ta o soroeve vovo mateana tu oma kaseko voko nabulu poso ko taukavole ko ereilo ama quli,” kiolake.