Romu 2:20 - BAṈARA KO VAIRU AMA LEVELEVEO

²⁰ meta vakakato ko maba mela se nianiiekato pide amu kasi, ni nianiiekato ko maba mela se vairuvairu amu kasi, kimela. Mosese ko Bazu kale ta meta pado ama nianiiekato ni tuveano samela, kimela.

Romu 2:20 Σταυροειδείς Αναφορές

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Romu 2:19

ni meta me odiemani mela se leqa kamu, ni meta se kutumana kamu ko zakaremu jaria mela, kimela,

Romu 3:31

Koa oqu kale inio aṉata a ṉamuka vo Mosese ko Bazu kio? Pui, maba pui, melai koa keve kale aṉata a qati lulueka ko ṉavi Bazu ko kio ni kalo ko kavani.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

1 Koriniti 3:1

Melai a qaka ni visi poso mela, aṉata pui aba roveovi melati bazueko ko Uri ama Bazu omadeuvo se kiada keru ke zorikani vo Baṉara ko Auvana jari kasi. Melai aṉata a melati bazuekake omadeuvo meta komia ruqe ama peuru ma peuru ko mela jari inio, ni silo mebeta evani mela vo Karisito vai oqu kale.

2 Timoti 1:13

Ṉota vinavina noqoeko eve koa tuvevo ama bazu poso ko lula aṉa a ṉati vakakukema tu ṉota ṉo lulueko ko, ni kai saeve koa oqu ni roquano ko animeko omadeu vati elo vo Jisu Karisito ko katimelako.

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Hiburu 5:13

Vo o nozuekani ko susu ta molele obeta eva, puliama kai nianiio sate ko sidopu ni sarueko.

Jemisi 3:1

A lolo poso mela, pui uri tu kubo mela ta lotu kale ama nianiiekato ko maba poso elo. Ako meta meqai nianiia ta eṉe lotu kale ama nianiiekato ko maba poso ṉela ta ṉe qovou ko Baṉara ko matuma kuiripato kokai paloasako se pui nianiiekato ko maba poso ke kovo ama, ruqe ṉe erekou ta.

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.