Romu 14:8 - BAṈARA KO VAIRU AMA LEVELEVEO

⁸ Ako anime me jaeva keru, animeta me jaeva inio vo Lekasa kaqe, ni me vouva keru, animeta me vouva vo Lekasa kasi. So sole anime mebeta saeva keru ma me vouva keru, animeta vo Lekasa ko mela.

Romu 14:8 Σταυροειδείς Αναφορές

Luke 20:38

Vota se saevomu vo Baṉara, pui se voumu vo, ako kiadamu ta ke saeva voko rana sole,” kiolake.

Jone 21:19

Jisu vo vai bazueko kale ko ta noni ama voukale inio Pita ta ṉaṉaidara o ivo avo vo Baṉara. Nio sai kazo Jisu ta eri kiolake vokasi, “Luluela aṉa!” kiolake.

Iruruputo 13:36

Ako Devita ta oka nabuluputake vo Baṉara ko vatolo o ṉaviko taku kale, ni koko tova vota ota vouvake, ni voko tupu ta ko mutaivake voko taite poso kasi, ni kota ko sapeake niami kale.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

1 Koriniti 15:23

Melai kalakala o ṉaviko taku kale inio vota o roveovou mata saevo. Karisito ta sevo kulekuleto ala vo o tuvevo puekani seko mata saevo, ni so keru voko mata vaito keru inio se kevai oquani vo ta mata ke saevou.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Pilipai 2:30

ako vota sipole oka vouva sole vo Karisito ko iruruputo. Ni vota o toraekake koa tapata tu o tauvelo aṉa so keru me pui meba roveovi keru tauvelo aṉa.

1 Tesalonaika 5:10

vo o mela vovini anime tu animeta omadeu saevo me elo vo sate, anime saevo mela ma lula vou mela vo o vaitou keru, ta puliako ta koko azavo.

Kelokelozato 14:13

Ni mata a viqake kama pado kora ko kuevako aukale azo ko eri kikolako, “Rikieka ko eri kio: Maurumauru amu inio seke vouvani se erisaṉa azo ke vouvani se omadeu ke vati evani vo Lekasa Jisu!” Ni Tabu ala Auvana ta eri kiola, “Tuvevo avole maurumauru amu inio. Keta zoleilou inio seke mamazani seko matuma iruruputo kale azo, ako seta ke kovou seko nabuluputo ko reketekete sole,” kiolake.