Romu 1:20 - BAṈARA KO VAIRU AMA LEVELEVEO

²⁰ Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo.

Romu 1:20 Σταυροειδείς Αναφορές

Romu 1:19

Baṉara ta o katima se ko koqotato, ako o ṉavi ta lula o mati vakakuka sole, so sole kota ko male tu seta ke paqumuvo vo.

Romu 2:15

Seko kalo kota ma kasa puekako ta ko rikiziake vo Mosese ko Bazu kikolani seko bulo poso kale. Ni seko kerukeru ta kasa ko ika ta kota tuvevo ama quli, ako kama taku ta kuiripato saṉa ko ima seko kerukeru, kama taku ta ko zuvarima seko kerukeru.

Jone 1:18

Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.

Jone 15:22

Ni aṉata pui aba kuevi bazubazuemole se tea, seta puliama sarueko samu inio. Melai erisaṉa ta lula a bazubazuema se ni seta pui kepa kamikou seko sarueko.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Kolosi 2:9

Ako koa pado ama ni noqola kama ni okotoma Baṉara ko saevo ni kalo ta ko eva ni ko saeva Karisito tona, voko maba elo kale.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Romu 2:1

Melai ṉoṉo ditizimani ṉa se edolomu koa ruqe poso kale ta pui ṉoba taka zoliovou, ko ṉota kala pado ṉa inio sole. Ako so keru ṉo ṉobe titizima keru se, ṉo melai ṉobe ereka soama iruruputo seke erekako jari ama, ṉota ṉoda kuirizia inio ṉo ṉavi.

Kolosi 1:15

Karisito inio vo kasa o ivani vo mutamuta kala Baṉara ko kalo anime kasi, vo lula o eveni Meqora puliako peuru ma peuru ereilo, vo raura kala kiadama vo Baṉara o erekema quli kale azo.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Iruruputo 17:29

Animeta vo Baṉara ko meqora poso mela so sole voko Baṉara puilo ta pui qolo ni siliva ni lado beku jaria kerukerueko me elou, ko maba madu ke erekako seko ṉase kale ama iruruputo ni kerukeru kale.

Hiburu 11:27

Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.

Matiu 5:45

Koa kalo ikio ko kasa puemelou ta meta mevo aukale ala Mama ko meqora poso mela, ako vo Baṉara ta omadeu taloekiko omai eva voko ṉaniu ko zakaremu se uri amu ni se ruqe ama maba poso, ni vota omadeu katimo o eva ko nioro ko mauruto se sidopu ke erekani ni se ruqe ke erekani.

Iruruputo 22:1

“A baerebaere poso mela ni a mama poso mela, meta tala viqomo aṉako qaraqarailo sama pesio mekasi ama!” kiolake.

Maka 10:6

Melai ko Tabu ama Riki kikovevo ta eri nio koko tanitanila keru, so keru Baṉara o ereke keru ko maba ta pui so kopa kaema ikio, melai ‘lasive ala ni reko ama inio o ereke,’ tu nioqata omadeu qo elo.

1 Koriniti 1:20

So sole se nianiiomu ni seke lezumatani maba madu ta pulia quli jari, ni so jari se roverove amu kai zolizoliekinio kale seko kerukeru komia ruqe ama peuru ma peuru ko.