Matiu 5:3 - BAṈARA KO VAIRU AMA LEVELEVEO

³ “Keta zoleiva tisoiko se kekai nianiiani seko ozaoza elo seko auvana kale, ako seta o ṉavi Baṉara ko lekasa puo kale amu sole.

Matiu 5:3 Σταυροειδείς Αναφορές

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Matiu 11:6

Ni qeta qe bazuevou vo Jone, voa maba vo pui niuniala olai evani aṉa ta maurumauru ala!” kiolake.

Matiu 13:16

Melai meta me zoleilou ako meko vilu ta ko keazata sole ni meko taliṉa ta ko viqaviqazata sole.

Matiu 19:14

Melai Jisu ta eri kiolake sekasi, “Meta pui kaitimo se meqora poso tu ke kilo aṉa kasi, ako se maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole,” kiolake.

Matiu 24:46

Voa nabulu ta ota matu zoleilou vovo lekasa o vaitou keru ni o kelou keru voko uri ama iruruputo vo obe erekako.

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 8:11

Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale.

Maka 10:14

Ni so keru vo Jisu o kati inota keru ko quli vota omai korakoraivake ni eri kiolake voko disaipeli madu kasi, “Meta pui kaitimo se meqora poso tu ke kilo aṉa kasi, ako se maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole.

Luke 11:28

Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.

Luke 18:14

Nio Jisu ta eri kiolake, “Aṉata a bazuemela me, takisi o koani nio sidopu ala Baṉara ko kelokelozato kale so keru vo o vaite keru voko pade kasi, pui Parese. Ako vo Baṉara ta zara o ivou vo o raurarauraivani, melai vota raura o ivou vo o zarazaraivani,” kiolake.

Luke 22:29

sole omadeuvo aṉavo Mama o katile aṉa ko lekasa puo ko pizato, so padoa katimelo inio a elou koa omadeuvo ama pizato.

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Jone 20:29

Nio Jisu ta eri kiolake vokasi, “Ṉota ṉolai oqua, ako ṉota ṉo lea aṉa sole, kio? Maurumauru amu tisoiko se pui ke leani aṉa melai ke tuvevo putani!” kiolake.

Jemisi 1:10

ni vo batiro ala lotu maba ta o zoleilou, ako Baṉara ta zara o iva vo sole. Ako vo batiro ala ta o paloasou omadeuvo ko siqo kale ama papapapa ko sisusisu jari.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

Kelokelozato 19:9

Ni vo mateana ta eri kiolake aṉa kasi, “Rikieka ko eri kio: Maurumauru amu se lula ke taipaziani vo Sipi Meqora ko bau vuato kale,” kio. Ni vo mateana ta o paqulikake koa pesio, ni eri kiolake, “Komi poso ikio vo Baṉara ko tuvevo ama pesio poso,” kiolake.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

Kelokelozato 3:17

Ako meta eri kimela, ‘Eṉeta batiroa ṉela ni kubo quli saṉela, pulia quli ṉeqa lilita,’ kimela. Melai meta pui meqai nianiia ko meme evania upotuqu ni tolailo elo! Meta ozaoza kamela, ni leqa kamela.