Matiu 2:2 - BAṈARA KO VAIRU AMA LEVELEVEO

² Nio seta eri kikelake, “Lai nio voa meqora se Jiu amu vo aikovakova o elo ala o alilakoi? Ako eneta lula ṉe qeve voko alilo ko mamola puekako suti ṉaniu ko peatakoi vasia rana, nio eṉeta ṉe queva tu ilusivole vo,” kikelake.

Matiu 2:2 Σταυροειδείς Αναφορές

Matiu 2:3

So keru vo Aikovakova Herodi o viqa keru ko quli ta matu tiṉoliṉoli ota evake ni sea kiadamu se Jerusalema peuru kale ke eveni.

Matiu 21:5

“Meta bazuemomo Jerusalema peuru kale amu, keatini, mevo aikovakova ta obeta kueva mekasi, ni vota matu zarazarailo ala ni obeta talia doqi kale, ka pado doqi vo meqora kale.”

Matiu 27:11

So maqa vo Jisu ta o lojoake vo Paelati Romu ala Qavuna ko tanama kale, ni vo Paelati ta o kuimaevake vo ni eri kiolake, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “Tuvevo ṉo kiṉolani jari,” kiolake.

Luke 19:38

“Baṉara ta mauru o ivou vo Lekasa vo o kuevani voko ṉikale! Bule ta ko elou aukale ala Baṉara ni maba ko tiania! Ilusivomo vo Baṉara!”

Luke 2:11

Vairutu komia ipu kale mevo Pakio ta lula o alilala vo Devita ko peuru kale; vo inio vo Lekasa ni vo Baṉara o soroevani Pakio!

Luke 23:3

Nio vo Paelati ta o kuimaevake vo, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “So ṉo kiṉolani tisoiko,” kiolake.

Luke 23:38

Ni voko lezu ko topi vasi o korosi topi ta ke patoekake riki sama papani eri kikolako pesio sama, “Nei nio se Jiu amu vo Aikovakova,” kikolako.

Jone 1:49

“Tanala, abe paqumuṉa ta ṉo inio vo Baṉara vo Meqora ṉa! No inio se Izireli amu vo Aikovakova ṉa!” kiolake.

Jone 12:13

So sole seta ke koake kama pamu ore ko dauko ni seta ke olake toraevole vo, ni ke vaelavelaoke ni eri kikelake, “Me ilusivo vo Baṉara, Baṉara ta mauru o ivou vo o kuevani voko ṉikale, vo Izireli ala Aikovakova!” kikelake.

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

Jone 19:19

Ni Paelati ta o rikiekake kama pado bazu nio se pazokinio ko maba poso ta ke nasoekake korosi topi, “Nei nio vo Nazareti ala Jisu, se Jiu amu vo Aikovakova” kikolako.

Jone 20:28

Ni vo Tomasi ta o vati tiorikake vo, “A Lekasa ni a Baṉara ṉa tiṉoineni!” kiolake.

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Jone 9:38

“Aṉata a duvevo pueṉa, Lekasa!” kiolake, ni vota o iqeiqeake Jisu ko kuleto.

Hiburu 1:6

Melai so keru Baṉara o soroeve keru vovo pado Meqora peuru ma peuru kale, vota eri kiolake, “Kiadama vo Baṉara ko mateana madu ta ke ilusivou vo,” kiolake.

Kelokelozato 22:16

“Aṉa Jisu lala ta a joroeve aṉavo mateana ni vota o kaseke komi quli mea lotu qoqono poso kalea mela kasi. Aṉa inio ko vo Devita ko vikuvikula kalea lala ni aṉa inio vo uria talolola raneodola lala.”