Matiu 10:3 - BAṈARA KO VAIRU AMA LEVELEVEO

³ Pilipi, ni Batolomiu, Tomasi, ni Matiu vo takisi ko maba, ni Jemisi vo Alepiasi vo meqora, ni Tadiasi,

Matiu 10:3 Σταυροειδείς Αναφορές

Matiu 18:17

Melai voa maba ta obeta pikipikinio putou ni pui o didiekou se kikelani ta so keru inio ṉoqai bazutou lotu maba poso kasi, ni sai melai pui o zoripatou so keru inio vota omadeuvo kala ruqe ala ni kutumana kale ala jari o elou ṉoko kerukeru kale.

Matiu 27:56

Ni kake sea rekoreko azo ta Maqidalama Mere, ni Mere Jemisi ni Josepa ko niania, ni vo Zebeti ko reko.

Matiu 9:9

Nio vo Jisu ta o vaekake koa zae ni voko talio kale vota o veake kala maba takisi o koani o ṉi ta Matiu obeta papuake voko iruruputo ko pade kale sai maba kovai olakoi seko takisi tabarikole. Sai nio Jisu ta eri kiolake vokasi, “Luluela aṉa.” Nio Matiu ta o lojoake ni koa ziole o luluevake vo.

Maka 15:40

Ni kake rekoreko melai sai kebeta lojoake ni ke vati vailake vo Jisu vaṉʼazo ni kake sea rekoreko azo ta Maqidalama Mere, ni Mere vo visi ala Jemisi ni Josepa ko niania, ni Salome.

Maka 2:14

Ni vota mata o sasa vatutake, ni o veake kala maba takisi o koani o ṉi ta Livai, Alepiasi vo meqora, obeta papuake voko iruruputo ko pade kale, sai maba kovai olakoi seko takisi tabarikole. Sai nio vo Jisu ta eri kiolake vokasi, “Luluela aṉa,” kiolake. Nio Livai ta o lojoake ni koa ziole o luluevake vo.

Maka 3:18

Ni Aduru, Pilipi, ni Batolomiu, ni Matiu, Tomasi ni Jemisi vo Alepiasi vo meqora, Tadiasi ni Saimone vo oka zariovini rupasimo Izireli qoqono Romu ko vailo kale azo, tu ke ṉavi ke lojolou,

Luke 18:10

Eri kiolake vo Jisu, “Omadeu taku omuqa maba ta qopeta evake qo keveni nioqa Jelepade kale vararaitole, kala Parese ni kala pado ta takisi o koani maba.

Luke 18:11

“Ni vo Parese ta o edoliake lojolo o kiada ni o vararaitake ni eri kiolake, ‘Aṉata a ilusiṉa ṉo, Baṉara, aṉata pui kuilokuiloa lala ni pui lipalipa kalala, pui a zavematani lala, kiadama maba poso jari. Aṉata a ilusiṉa ṉo aṉata pui voa takisi o koani jaria lala.

Luke 18:13

Melai vo takisi o koani maba ta o lojoake sasa vaṉa buti ni ota paṉaoke tadatiko voko loilo aukasi, melai vota o pazokake voko dumidumi voko duki kai elo kale voko sarueko poso ni eri kiolake, ‘Baṉara, ṉota akoela aṉa, aṉata ruqea lala sole!’ kiolake.”

Luke 19:2

Sai ta inevoana kala matula maba vo takisi o koani, o ṉi ta Zakiasi, ni vota kala batiro ala maba.

Luke 5:27

Ni Jisu ta o vaekake koa zae ni vota o veake kala maba takisi o koani Livai o ṉi sala, vo obeta papuani voko iruruputo ko pade kale, sai maba kovai olakoi seko takisi tabarikole. Ni Jisu ta eri kiolake vokasi, “Luluela aṉa!” kiolake.

Jone 1:48

Nio Nataniala ta ota va viqake vo kiolani ni o kuimaevake vo, “Nonia lai nianiio nio ṉoṉo eva?” kiolake. Nio Jisu ta ova opatake vo, “Aṉata lula abe ṉeala ṉo so keru piqi ore ko vima ṉo bapula keru, puliako Pilipi nokaeṉo ṉo,” kiolake.

Jone 11:16

Sai nio Tomasi, vo “Modi” ṉi sala, ta eri kiolake vokale ama disaipeli madu kasi, “Uri tani, animea kiada mela ta me zio vo sase, tu animeta me vou vo sase!” kiolake.

Jone 14:22

Nio Jiudasi (vo pui Jiudasi Isikarioti) ta eri kiolake, “Lekasa, noni ko roveovou inio ṉota kasa ṉo elou ṉo ṉavi eṉe kasi ni pui kiadama maba poso kasi?” kiolake.

Jone 14:5

Melai Tomasi ta eri kiolake vokasi, “Lekasa, eṉeta pui ṉeqai nianiia sai ṉoṉo zio ka kiṉolakoi, sole noni kale inio eṉeta ṉeqai nianiiovou koa keve tu eṉeta ṉe barolou sai?”

Jone 14:9

Nio Jisu ta o vati tiorikake vo, “Lula rosi ama taku a eva mea kiada mela kasi, melai ṉota pui nio ṉolai nianiia, kio, Pilipi? Ako vo lula o leani aṉa ta lula o veani vo Mama. Noi sole inio ṉota ‘Ṉela kaseva vo Mama’ kiṉola?

Jone 21:2

Saimone Pita, ni Tomasi “Modi” o ṉi sala, ni Nataniala Kena peuru kale ala Qalili rana, ni Zebeti ko omuqa lasive meqora kidi, ni mata kama omuqa Jisu ko disaipeli kidi ta ke padoivake omadeukoi.

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.

Iruruputo 12:17

Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.

Iruruputo 15:13

Ni so keru nioqa qo paika keru pesio nio vo Jemisi ta o pesiake ni eri kiolake: “Didielomo aṉa, me a baerebaere poso mela!

Iruruputo 21:18

Ni koko raneo kale inio Paula ta o olake Jemisi toraevole eṉe sate ni kiadama lotu tanatanamu ta ke zomanake.

Qelesia 1:19

Ni sai ta mata puliala apositolo aba toraeve, melai Jemisi o kiada, vo Lekasa Jisu vo visi.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.