Luke 9:60 - BAṈARA KO VAIRU AMA LEVELEVEO

⁶⁰ Ni Jisu ta o tiorizatake ni eri kiolake, “Vaema se pui kekai baroani ko auvana kale ama saevo tu ke mutamo seko vouma maba poso. Melai ṉota pa kai bazubazute vo Baṉara ko lekasa puo,” kiolake.

Luke 9:60 Σταυροειδείς Αναφορές

Matiu 4:23

Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu.

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

1 Koriniti 9:16

Ana ta pui a rovea kai raurailo ko aṉata aqai bazubazutani lala ko Uri ama Bazu kio. Ako vo Baṉara ta o soroele aṉa tu aqai bazubazuto ko Uri ama Bazu sole. Pui aqai bazutou ko Uri ama Bazu nio aṉata ada titiziovou.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

Kelokelozato 3:1

“Ṉota eria rikito eve sai Sadisi ama lotu qoqono ko mateana kasi: Eri nio koa bazu koko kuevako vokasi azo vo okai lekasa puani koa sikeura auvana vo Baṉara ko ni koa sikeura suti sala. Aṉata aqai nianiia ko me lula me erekako quli ni aṉata a melai nianiia ta meta saevo mela jaria mela lelo, melai meko tuveano ta meta vou mela inio!