Luke 9:39 - BAṈARA KO VAIRU AMA LEVELEVEO

³⁹ Ako kama ziolo ta ko noqoeva mati vo ni vota ota upaupata ota podoloa koi ni ko sarube pueva, ni ko ruakaruakaeva, ni kota ko tolaeva vo ni kota tapata tu ko vaevo vo sole!

Luke 9:39 Σταυροειδείς Αναφορές

Maka 9:18

Ni so keru koa ziolo kovai baroa keru, kota ko piva vo miduku kale, ni ko ruakaruakaeva, ni taka o roinaroinaeka, ni matu lekuleku ko iva. Ni aṉata a basema ṉoko disaipeli madu tu keta va reriko koa ziolo, kiala, melai seta pui ke rovea,” kiolake.

Maka 9:20

Ni seta ke vati olake voa rusu Jisu kasi. Ni so keru koa ziolo ko vea keru vo Jisu, kota ko pivake voa rusu miduku kale ni ko niuqeniuqelivake ni ko ruakaruakaevake.

Maka 9:26

Nio voa ziolo ta ota upaupatake, ni o niuqeniuqelivake voa rusu, sai kazo inio o saqorake vokale azo. Ni voa rusu ta ota vouva jaria velo, ni kiadama maba poso ta eri kikelake, “Vota ota vouva!”

Luke 4:35

Nio vo Jisu ta o riqaekake koa ziolo ni eri ka kiolake, “Ṉota moizai, ni saqore nea maba tona azo!” kiolake. Nio koa ziolo ta ko pivake voa maba miduku kale seko vilu kasa ni kota saqorake vo tona azo, melai kota pui tabi ko ivake vo.

Luke 8:29

Vota so kiolake ako Jisu ta lula o riqaekake koa ziolo tu kota ko saqoro vokale azo sole. Kubo taku koa ziolo ta ko rajarajaeva, ni maba poso ta keta va pirieka voko ṉase ni kiti seini kale, melai vota o paqoeka koa seini ni o mujarika ko aeani voko kiti kale ama, ni koa ziolo ta ko vati olake vo lealea kama zaekale.

Luke 9:38

Ni kala maba koa vaki kale ala ta o upaupatake ni eri kiolake, “Tanala! Roquela aṉa tu kua tu pa vea aṉavo meqora, ako vota aṉavo pado meqora sole!

Luke 9:40

Nio aṉata a basema ṉoko disaipeli madu tu keta va ṉamuko kiala melai seta pui ke rovea,” kiolake.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

Kelokelozato 9:11

Seta ke aikovakova oma lekasa puani samu inio, vo inio vo mateana koa rosia saqoroma soqili o kati vailani. Voko ṉi Hiburu pesio kale ta Abadoni, Quriki pesio kale ama ṉi ta Apolione, ni koa ṉi ko kio ni kale ta “Vo o ruvuzatani” kio.