Luke 7:19 - BAṈARA KO VAIRU AMA LEVELEVEO

¹⁹ ni vota o soroekake nioqa vo Jisu kasi tu qopa ka kuimanao vokasi ko eri, “Jisu, ṉota bazueṉela eṉe, ṉo inio voa maba ṉa Jone o kaseveni vo eri va kioveni, mainio kala opa kilou va kioveni, kio? Ma eṉeta mata ṉe darevou kala edolola?” kiqolake.

Luke 7:19 Σταυροειδείς Αναφορές

Maka 6:7

Ni vota o nokaemake sea toni omuqa disaipeli madu omadeukoi, ni vota o soroemake se omuomuqa kidi. Ni puliako vo soroemo se vota o katimake ko pizato tu ke reriko ko ziolo poso,

Luke 10:1

Koko tova inio vo Lekasa Jisu ta o pitoemake mata sikeura toni omuqa maba poso ni o soroemake omuomuqa kidi voko kuleto kiadama peuru ni zae poso kale ko mainio o ṉavi opa kai ziovo ama tova ka kiolake.

Luke 11:1

Kama pado ṉaniu kale inio Jisu ta o vararaitake kama pado zaekale. Ni vo o paika keru vararaito inio kala vovo disaipeli ta eri kiolake vokasi, “Lekasa, ṉelati vakakuka eṉe ko vararaito ko kalo, omadeuvo vo Jone o mati vakakuke jari voko disaipeli madu,” kiolake.

Luke 11:39

So sole vo Lekasa Jisu ta eri kiolake vokasi, “Mea Parese poso mela ta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Luke 13:15

Nio vo Lekasa Jisu ta eri kiolake, “Mea lipalipa kamela! Mea kiada mela melai me rupasikani mela meko bulumakau ma doqi ko titi koko pade kasi sai koko titiziakoi kazo ni me qati olani mela jukasi tu ko nozutou Sabati ṉaniu kale.

Luke 17:5

Nio se apositolo madu ta eri kikelake Lekasa Jisu kasi, “Ṉela pizatika eṉeko oqu,” kikelake.

Luke 17:6

Nio vo Lekasa ta o mati tiorikake se ni eri kiolake, “Meta masitadi ore ko sisu silo ama jaria pado ama oqu samela tea, me roveo nio kati pesio komia ivili, ‘Rabui ni pa papai ivere kale!’ kati kimevo ti kota ko zorimelo inio,” kiolake.

Luke 18:6

Ni vo Lekasa Jisu ta obeta olake pesio ni eri kiolake, “Tava viqomo vo ruqe ala titizato ko maba ko pesio kikolani.

Luke 19:8

Nio Zakiasi ta o lojoake ni eri kiolake Lekasa Jisu kasi, “Keatini, Lekasa! Kiadama aṉako lomaloma ta omuqa kobu a ikou ni omadeu kobu ta a qatimou se ozaoza kamu. Ni vo aṉa lipalipaito kale ada va kuilikeni voko quli ta ava besiekou ariku avole,” kiolake.

Luke 22:61

Ni vo Lekasa Jisu ta o lilitake ni o toiritoirivake vo Pita, nio Pita ta o kerukeruekake vo Lekasa va kiovevo vo, ko eri ka kiovema, “Puliako kokorako zialo oduadu ipu kale ṉota ṉoda la zoliovou aṉa zouke taku ni eri kiṉovou, ‘Aṉata pui avai nianiia vo,’ kiṉovou,” ka kiovema.

Luke 24:34

sai eria pesipesito kebeta evakoi, “Vo Lekasa ta maba tuvevo avole ota tova saevala mata! Vota o puratala Saimone kasi!”

Luke 7:13

Ni Jisu ta o keake ko ni o roquekake ko ni eri kiolake kokasi, “Pui zialo,” kiolake.

Luke 7:20

Koa taku kale inio Jisu ta o urikimake kubo maba poso seko azaazama vere kale azo ni ota ma rerike ko ziolo poso ni kubo madu se leqa kamu melai o leqosimake. Nio nioqata qo kuevake Jisu kasi ni eri kiqolake vokasi, “Vo Jone Bapitaiso ta o soroeqelala eqe tu qe kuimaeṉo ṉo, ‘Ṉo inio voa maba ṉa Jone o kaseveni vo eri va kioveni, mainio kala opa kilou va kioveni, kio? Ma eṉeta mata ṉe darevou kala edolola?’ kiola,” kiqolake.

Jone 11:2

(Koa Mere ikio koko raibikema ko uria tui ama lumu vo Lekasa ko kiti topi ni ko puqoekema koko toukale, ni kovo kaka Lazarasi ta ota matu verepake.)

Jone 4:1

Ni se Parese madu ta ke viqake vo Jisu ko movo ni bapitaiso puemo kubo disaipeli madu se Jone ko madu azo.

Jone 4:25

Ni koa rekoreko ta eri kikolake vokasi, “Aṉata avai nianiia vo Baṉara o soroevo ala Pakio ta ota kilou. So keru vo o kilou keru vota kasa o ikou kiadama quli anime kasi,” kikolake.

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

Kelokelozato 11:3

Ni aṉata a joroekou aṉako omuqa poropita kidi baeke sabosaboa nioqa, buniubuniuo ko sabosabo, nio nioqa inio qokai bazubazutoa nioqa vo Baṉara ko upotuqu sama bazubazu koa zouke sabere varimuja kaboso kale,” lati kiolake.