Luke 6:30 - BAṈARA KO VAIRU AMA LEVELEVEO

³⁰ Kativa oṉai paseko ala vo oka zariako lomaloma, ni so keru kala ota ṉa kovou keru ṉoko lomaloma, ta pui tava paseko ko tu ko vaito.

Luke 6:30 Σταυροειδείς Αναφορές

Matiu 18:35

“Omadeuvo so jaria koqotaemelo inio o elou aṉavo aukale ala Mama so keru me pui me mati odouvikiniou keru meko lolo poso meko pado ama bulo kale,” kiolake vo Jisu, nio o paikake voko bazubazuto.

Matiu 5:39

Melai aṉata a bazuemela me, meta pui me besiekou ko ruqe ruqe kale, sole kala maba ta ota ṉa pazokou ṉoko palo rana ari tu o quratiṉo ubutiania, ta mata kativa ṉoko made rana ari tu ota ṉa pazoko.

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Luke 11:41

Melai meta katimomo se ozaoza kamu meko peleta ni kapa kale ko evako quli, nio kiadama quli ta bulebule ko melai elou vo Baṉara ko vilu kasa.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Luke 6:29

Ni kala maba ta ota ṉa tupiekou ṉoko kama rana ari, ṉota va zarie tu mata ota ṉa tupieko kama rana ari mata, ni kala ta ota ṉa kovou ṉoko rosia sabosabo, ṉota va zarieka ṉoko puju ama sabosabo tu o kovo.

Luke 6:31

Sole meta uri erekomo se edolomu kasi omadeuvo me meqa zariani jari tu seta ke erekou ko uri mekasi.

Luke 6:38

Meta puaromo edolomu kasi, ni Baṉara ta o katimelou me, ni meta me qovou matu kubo, ni ko kikado ama roquano, ni tauvezato sama ta ko avoziovou meko ṉase topi ni meta me ṉeamukou koa kiadama. Ako meme qatimo avo tinia kubo, so tinia kubo ikio Baṉara ta o katimelou me,” kiolake.

Iruruputo 20:35

Aṉata a mela kasa pueke tu komia keve kale animeta me matu iruruputo tu me dauvemo se lekuleku amu, kerukerueko kale ko bazubazu o ṉavi vo Lekasa Jisu o rukuekema, ‘Matuma zoleilo katizato kale ama ta kota ka qulepa koazato kale ama,’ ka kiovema,” kiolake vo Paula.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.