Luke 6:19 - BAṈARA KO VAIRU AMA LEVELEVEO

¹⁹ Ni kiadama maba poso ta ke madoekake tu ke tibaevo vo ako pizato ta ko kuevake vokasi azo ni ko urikimake kiadamu seke tibaevani vo sole.

Luke 6:19 Σταυροειδείς Αναφορές

Matiu 14:36

Nio sea vere ama maba poso ta kevai zaivotake tu seta ke tibaeko vo Jisu ko sabosabo, ni sea kiadamu seke tibaekeni ta keta urikake muli.

Maka 3:10

Ako Jisu ta o urikimake matu kubo maba poso ni seke verepani ta ke ibaibaekiniake tu ke noqoevo vo sole,

Maka 5:30

Ni koa omadeuma taku inio Jisu ta okai nianiiake ta voko pizato ta ko urikiva kala maba, so sole vota o lilitake sea vaki kasi ni eri kiolake, “Lala inio ota la tibaeka aṉako sabosabo?” kiolake.

Maka 6:56

Ni kiadama zae poso kale Jisu o olakoi matuma peuru kale ni silo ama zavaṉa poso kale, ni siqo kale ni maketi ko zae poso kale, se maba poso ta kevai padoivake vo, ni seta ke mati olake se vere ama maba poso vokasi. Ni kevai zaivotake tu seta ke tibaeko pala vo Jisu ko sabosabo, ni sea kiadamu seke tibaekeni ta keta urikake muli.

Maka 8:22

Ni so keru seke baroa keru Betiseida peuru kale, kake maba poso ta ke vati olake kala leqa kala maba Jisu kasi. Ni seta ke pasevake vo tu ovai iviko voko ṉase tu o urikivo.

Luke 5:17

Ni omadeu ṉaniu kale Jisu ta o nianiiekatake, nio kake se Parese madu ni se Mosese ko Bazu kekai nianiiekatani ta kebeta papuake sai seke kuevini kiadama peuru poso kale azo Qalili ni Jiudia, ni Jerusalema azo. Ni vo Baṉara ko pizato Jisu tona ko evako kale vota o urikimake se vere amu.

Luke 6:18

seke kuevini tava viqole voko nianiiekato ni ke rureilo seko vere kale azo, kikeveni. Ni se ziolo komai onobatani melai ke kuevake ni seta ke urikake.

Iruruputo 19:12

Suma lupilupi lezu kale ama ni ailolo sabosabo vo lula okai iruruputako ta ke kati olake vere amu kasi, ni seko vere poso ta koma epezikake, ni ko ziolo poso melai kota ma rerikake.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.