Luke 6:17 - BAṈARA KO VAIRU AMA LEVELEVEO

¹⁷ Ni sea toni omuqa sate inio Jisu ta o saqorake sopu kale azo, ni vota o baroake kama pado sare ama zaekale sai mota kamu vo ke luluevani maba madu ke toraevekoi. Ni mata kubo maba madu ta ke padoivake sai seke kuevini Jiudia ranʼazo ni Jerusalema azo ni koa omuqa matu peuru Taea ni Saidoni ko keta kalea vasia ranama peuru poso kale azo,

Luke 6:17 Σταυροειδείς Αναφορές

Matiu 11:21

“Matuma tapata kio ko melai barolou mea Korazini peuru kale amu mela! Ni mata me Betiseida mu mela ko melai barolou! Ako koa aqasiele ama iruruputo koko ereima mekasi ta ko erei pui Jiu amu kasi Taea ni Saidoni peuru kale tea, koa omuqa peuru kale ama maba poso ta lulavo inio keta papu ni ke kiako ko baeke sabosabo ni kekai raibizio ko pari ke tupu topi, tu kasa ke iko seko sarueko kale azo ama lilizio.

Matiu 12:15

Ni vo Jisu ta okai nianiiake seko korokorotato, so sole vota ota vatutake koa zaekale azo, ni matu kubo vaki ta ke luluevake vo. Ni vota o urikimake muli sea vere ama maba poso.

Matiu 14:14

So keru se maba poso ke viqa keru voko bazu, seta ke vaekake seko peuru poso ni ke luluevake vo ketaino kale. Sole vo Jisu ta o saqorake vaka topi azo, ni vota o meake sea matuma vaki, ni vota o matu roquemake se, ni vota o urikimake se vere amu.

Matiu 15:21

Ni koko tova inio Jisu ni voko disaipeli madu ta ke vaekake koa zae ni keta olake Taea ni Saidoni matu peuru ko ketaketama peuru poso kale.

Matiu 5:1

Jisu ta o meake matu kubo vaki, nio vota ota kailake sopu kale, ni ota papuake sai. Nio voko disaipeli madu ta ke aramuvake papu vo Jisu.

Luke 5:15

Melai vo Jisu ko bazu ta kota va aerake kiadakoi, ni matuma vaki ta ko kuevake mati tu ke didievo vo ni o urikimo seko vere poso kale azo.

Luke 6:12

Ni kama poso ṉaniu ko tova inio Jisu ta o peatake kala sopu kale vararaitole, ni koa pado ama ipu vota o vararaitake Baṉara kasi.

Luke 6:16

Ni mata Jiudasi Jemisi vo meqora, ni Jiudasi Isikarioti vo o saiqorivo ala vo Jisu.

Luke 6:18

seke kuevini tava viqole voko nianiiekato ni ke rureilo seko vere kale azo, kikeveni. Ni se ziolo komai onobatani melai ke kuevake ni seta ke urikake.