Luke 4:35 - BAṈARA KO VAIRU AMA LEVELEVEO

³⁵ Nio vo Jisu ta o riqaekake koa ziolo ni eri ka kiolake, “Ṉota moizai, ni saqore nea maba tona azo!” kiolake. Nio koa ziolo ta ko pivake voa maba miduku kale seko vilu kasa ni kota saqorake vo tona azo, melai kota pui tabi ko ivake vo.

Luke 4:35 Σταυροειδείς Αναφορές

Matiu 17:18

Nio Jisu ta o rerikake koa ziolo vo pireṉe vere ko ivako voa rusu topi azo, ni maba koa omadeuma taku kale inio voa rusu ta ota urikake.

Matiu 8:26

Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake.

Maka 1:26

Nio koa ziolo ta ko dededederivake vo ni ota karakararautake, ni kota kota saqorake voa maba kale azo.

Maka 4:39

Nio vo Jisu ta o lojoake ni o kaqarikake ko ururu ni eri kiolake, “Epeze!” ni vota mata o kaqarikake ko boguzu ni eri kiolake, “Buleovi!” ni ko ururu ta kota epezake puzeto, ni ko boguzu ta kota buleake, ni koa varo ta matuma manilo kota evake.

Maka 9:26

Nio voa ziolo ta ota upaupatake, ni o niuqeniuqelivake voa rusu, sai kazo inio o saqorake vokale azo. Ni voa rusu ta ota vouva jaria velo, ni kiadama maba poso ta eri kikelake, “Vota ota vouva!”

Luke 11:22

Melai so keru kala pado matu piza kala maba ovai kasakea ni o koqotaeva keru vo, vota ota va koa kiadama voko pazokinio ko lomaloma vo okai keruako tu ko pakievo ka kiolako, ni voa matu piza kala ta oma puarika voko lolo poso koa zaṉeo.

Luke 4:23

Nio vota eri kiolake sekasi, “Aṉata a melai nianiia me, ta meta eri la kimevou ko aṉa koa podepodeti pesio kale, ‘Dokita ṉa ṉo elou ta, ṉota urikiovi ṉo ṉavi. Ṉota ereka koi ṉo ṉaviko ṉisa peuru kale sai Keponeami ṉo erekema aqasiele ama iruruputo jari ama, ko eṉe ṉe viqema’ la kimevou.”

Luke 4:39

Ni vota o olake ni o lojoake koko ketaketa ni o poqupoquike koko topi ni o riqaekake koa vere. Ni koa vere ta ko vaekake ko, ti ko lojoake ni kota koma inainaekake se kama sailao.

Luke 4:41

Ziolo poso melai o rerikake kubo maba poso kale azo, ni koa ziolo poso ta kota upaupatake ni eri kikolake, “Ṉota vo Baṉara vo Meqora ṉa!” kikelake. Melai vo Jisu ta o kaqarikake koa ziolo poso tu ko moizailo, ako kota kovai nianiia ni kovai bazuta ta vo inio vo Baṉara o soroeveni Pakio.

Luke 8:24

So sole se disaipeli madu ta kepa toirativake vo Jisu sai vo obeta maroṉakoi ni eri kikelake seko zaivota sama pesio kale, “Lekasa, Lekasa! Eṉeta ṉeda vouva!” kikelake. Nio Jisu ta o toiratake ni vota o riqaekake ko ururu ni matuma varo ololobagea sama, ni kota kota jamaoke ni matuma manilo kota evake.

Luke 9:39

Ako kama ziolo ta ko noqoeva mati vo ni vota ota upaupata ota podoloa koi ni ko sarube pueva, ni ko ruakaruakaeva, ni kota ko tolaeva vo ni kota tapata tu ko vaevo vo sole!

Luke 9:42

Ni so keru voa rusu o kueva keru vo Jisu kasi inio koa ziolo ta ko pivake vo miduku kale ni kota ko matu niuqeniuqelivake. Nio Jisu ta o riqaekake koa ziolo, ni o urikivake voa rusu, ni vota o kativake vovo mama.

Kelokelozato 12:12

So sole zoleimo, mea kiada mela aukale me evani mela! Melai matuma upotuqu me miduku kale ni rokasana kale me evani mela tona! Ako vo Setani ta lula o saqora mekasi, ni vota ota paloasa korakorailo, ako vota okai nianiia ta matu puju ama ikio voko taku ta kobeta eva sole.”