Luke 23:27 - BAṈARA KO VAIRU AMA LEVELEVEO

²⁷ Ni matuma vaki ta ke luluevake vo Jisu, ni kama rekoreko poso melai ke lulupatake se sate se keva ziavini ni keva ziaroreputani vo.

Luke 23:27 Σταυροειδείς Αναφορές

Matiu 11:17

‘Eṉeta lula ṉe mela kelaeke me ko vivo melai meta pui meba pekaovi! Ni eṉeta ṉeqai keraovi ko mutazato ko kera melai meta pui meba ziavi!’ kikelani. Soa kaseqelo inio ke evani se maba poso aṉa ni Jone sole.

Matiu 27:55

Ni kake rekoreko melai sai ke vati vaitake vo Jisu vaṉʼazo, ni se inio ke lulueveni vo Jisu Qalili ni ke tauveveni.

Maka 15:40

Ni kake rekoreko melai sai kebeta lojoake ni ke vati vailake vo Jisu vaṉʼazo ni kake sea rekoreko azo ta Maqidalama Mere, ni Mere vo visi ala Jemisi ni Josepa ko niania, ni Salome.

Luke 23:28

Nio Jisu ta o lilitake sekasi ni eri kiolake, “Jerusalema ma rekoreko poso mela! Meta pui la zialo aṉa, melai ka ziamo me ṉaviko saevo ni meko meqora poso.

Luke 23:55

Ni sea rekoreko seke lulueveni vo Jisu Qalili azo ta ke olake Josepa sate ni kepa keake ko keaka ni Jisu ko tupu ke ikevoa tekueko sai.

Luke 8:2

ni so jari kake rekoreko melai, se vo o urikimeni ziolo mai onobato kale azo ni vere poso kale azo, Mere, Maqidalama kekai nokaekema, ko sikeura ziolo kota ka akoima kokasi azo,

Luke 8:52

Ni kiadama maba saizamu ta keta ziake ni upotuqu keta evake koa meqora kale avo. Sai nio Jisu ta eri kiolake, “Pui zialo, koa meqora ta pui ko vouva, melai kota kota maroṉa pala inio!” kiolake.

Jone 16:20

Tuvevo avole aṉata a bazuemela me, puliako tu keu meta me zialou ni kumasa me elou, melai komia ruqe ama peuru ma peuru kale ama maba poso ta pui kepa zialou, seta keta zoleilou. Zio, meta upotuqu me elou, melai tova ta meko upotuqu ta zoleilo ko besiekou.