Luke 23:2 - BAṈARA KO VAIRU AMA LEVELEVEO

² sai se kevai utu tanitekoi kuiripato saṉa ivo vo Jisu ni eri va kikovekoi, “Lula ṉe vea nea maba ta o saruema odiemo animeko maba madu, vota o naquema tu seta pui ke tabariko ko takisi vo Romu ala Matu Lekasa kasi ni o kaseka ta o ṉavi nio voa Pakio vo Baṉara o soroevani, ni vota kala aikovakova inio kiolani,” kikelake.

Luke 23:2 Σταυροειδείς Αναφορές

Matiu 17:27

So jari nio aniqeta Baṉara ko ṉisa peuru kalea qela sole pui qe male tu tabariko voko Jelepade ko takisi. Melai uri tu aniqeta qe tabarikou, pui uri tu qe korakoraemo sole se. Tu ṉota ola koa toupa kale ni ṉo risaekou ṉoko tali ni vo kuleto ṉo vovo ala niuniu ta ṉoda va akarikou voko suto ni ṉo qovou ko takula ko maleziko ama aniqeko tabariko ko Jelepade ko takisi,” kiolake vo Jisu.

Matiu 22:21

Nio seta ke vati tiorikake ni eri kikelake, “Matula Lekasa Romu ala ko,” kikelake. Nio Jisu ta eri ma kiolake, “Uri, sole Romu ala Matu Lekasa ko ta kativomo vo Romu ala Matu Lekasa, Baṉara ko ta kativomo vo Baṉara,” kiolake.

Matiu 27:11

So maqa vo Jisu ta o lojoake vo Paelati Romu ala Qavuna ko tanama kale, ni vo Paelati ta o kuimaevake vo ni eri kiolake, “Ṉo inio se Jiu amu vo Aikovakova ṉa kio?” kiolake. Nio Jisu ta o vati tiorikake ni eri kiolake, “Tuvevo ṉo kiṉolani jari,” kiolake.

Maka 12:17

Nio Jisu ta eri ma kiolake, “Uri, sole Romu ala Matu Lekasa ko ta kativomo vo Romu ala Matu Lekasa, ni Baṉara ko ta kativomo vo Baṉara,” kiolake. Ni seta kevai vuzeike vo Jisu.

Maka 15:2

Nio Paelati ta o kuimaevake vo ni eri va kiolake, “Ṉo inio se Jiu amu vo Aikovakova ṉa, kio?” va kiolake. Nio Jisu ta o vati tiorikake ni eri kiolake, “Tuvevo ṉo kiṉolani jari,” kiolake.

Luke 23:14

ni eri kiolake sekasi, “Meta me vati kueva nea maba aṉa kasi ni me qaseka ta vota o saruema odiemo se maba madu kimela. Inio aṉata lula a quimakuimaeva koi meko tanama kale, melai aṉata pui ada va kea kama saruilo, ko me kuiripato saṉa mevai ikako vo.

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Jone 18:29

So sole o ṉavi Paelati ta o saqorake kupele pade poro kale azo sekasi, ni o kuimaemake se, ni eri kiolake, “Noni ama kuiripato ikio meko nea maba kasi ama?” kiolake.

Jone 18:30

Nio seta ke vati tiorikake vo, ni eri kikelake, “Nea maba ta puliama ruqe ama quli lula o ereka tea, eṉeta pui nio ṉeba vati kilo ṉokasi,” kikelake.

Jone 19:12

Ni so keru Paelati o viqa keru ko inio vota o vailikake kama pado keve tu o rupasivo vo Jisu kiolake. Melai se Jiu amu ta mata ke velavelaoke, “Ṉota ṉo rupasivou vo, inio ṉota pui vo Romu ala Aikovakova vo baerebaere ṉa! Vo aikovakova okai rairiziani maba vo inio vo Romu ala Aikovakova vo kana sole!” kikelake.

Iruruputo 24:13

Ni seta mata pui ke rovea tuvevo saṉa iko ko quli se aṉa kelai kuirikako quli.

Iruruputo 24:5

Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani.

Romu 13:7

Sole meta vouvaekomo meko lipulipu meko tabariko kale meko takisi, ni meta tama paṉaomo ni rauraemomo sea kiadamu, ako seta ke male tu so me imo sole.