Luke 21:37 - BAṈARA KO VAIRU AMA LEVELEVEO

³⁷ Ni ṉaniu poso kale inio Jisu ta o nianiiekatake Jelepade kale, ni ipu poso kale nio vota ota saqorake sai kazo ni ota evake Olive Ore sama Sopu kale.

Luke 21:37 Σταυροειδείς Αναφορές

Matiu 21:1

Ni Jisu ni voko disaipeli madu ta kebeta taliake keve tona, ni sipole kebe baro Jerusalema kikela keru, inio seta ke baroake Betipeji sasa peuru Olive Ore sama Sopu ko ketaketa. Nio Jisu ta o soroekake omuqa voko disaipeli kidi tu qopeta zio seko kuleto vasi.

Matiu 21:17

Nio ko quli ko tova inio Jisu ta o vaemake se, ni o vaekake koa matu peuru Jerusalema, ni ota olake Betani, ni sai nio vota ota raneake.

Matiu 26:30

Ni seta kekai keraoke ka pado ilusato ko kera, ni keta olake Olive Ore sama Sopu kale.

Matiu 26:55

Ni so keru inio Jisu ta mata eri ma kiolake sea vaki, “Meko kerukeru kale ta aṉata kala matu ruqe ala kuiloa lala ni pazokinio ko maba lala la kimela inio meta meda kueva benisi poso ni kubau poso sate tu noqoelole aṉa, kio? Aṉa inio abeta papua ni a nianiiekatani lala kiadama ṉaniu poso ubutiania Jelepade kale melai pui me noqoela sai.

Maka 11:12

Ni koko raneo kale nio Jisu ni voko disaipeli madu ta mata keta vaitake Jerusalema Betani azo, ni Jisu ta ota luapake keve tona.

Maka 11:19

Ni matu raisiraisi kota evake sole Jisu ni voko disaipeli madu ta ke vaekake koa matu peuru.

Maka 14:49

Aṉa inio abeta eva ni a nianiiekatani lala kiadama ṉaniu poso ubutiania Jelepade kale melai pui me noqoela sai. Melai komi quli ta ko ereiva tu ko Tabu ama Riki kikovevo ta tuvevo ko elo,” kiolake.

Luke 19:29

Nio sipole o baro kiola keru Betipeji ni Betani sai Olive Ore sama Sopu kale, vota o soroekake omuqa disaipeli kidi vima sase.

Luke 19:37

Ni so keru vo o baroi keru Jerusalema ko sipole, Olive Ore sama Sopu kale azo ko saqorako keve kasi, inio vo ke luluevani matuma vaki ta ke tanitake va zoleilo vo Baṉara ni ke ilusivake vo matuma kora kale, koa matu aqasiele ama quli seke kevema quli kale avo. Seta eri kikelake,

Luke 19:47

Ni kiadama ṉaniu kale Jisu ta o nianiiekatake Jelepade kale. Nio se raura kama siama madu, ni Mosese ko Bazu kekai nianiiekatani ni se Jiu amu ko tanatanamu ta keva zariake vouvaevo vo,

Luke 22:39

Ni Jisu ta o vaekake ko Jerusalema peuru ni vota ota olake Olive Ore sama Sopu kale obeta kavani zio kiada keru jari, ni voko disaipeli madu ta ke olake vo sate.

Jone 12:1

Ni varimuja ṉaniu ikoana ti kota barolou Jiu amu ko Alokato ko Ṉojola, nio Jisu ta o olake Betani peuru kale, sai Lazarasi o evakoi, voa maba vo lula o saeviveni voukale azo.

Jone 18:2

Ni Jiudasi, vo o saiqorivani, ta lula okai nianiia koa zae, ako kubo taku Jisu lula o mati olakoi voko disaipeli madu sole.

Iruruputo 1:12

Nio koko tova inio se apositolo madu ta keta vaitake Jerusalema Olive Ore sama Sopu kale azo, omadeu kilomita jari koko vaṉa Jerusalema peuru kale azo.