Luke 21:36 - BAṈARA KO VAIRU AMA LEVELEVEO

³⁶ So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Luke 21:36 Σταυροειδείς Αναφορές

Matiu 24:42

“Sole meta vailomo, ako meta pui meqai nianiia aṉa mevo Lekasa lala a vaitou keru sole.

Matiu 24:43

Ako vo pade ko raki sala ta okai nianiiovou koa taku so keru vo kuilokuilo ala maba okai kilo ama taku, ta vota ota vailou inio ni pui opa maronou, tu voa kuilokuilo ala ta pui o amaqeovou voko pade kale kuilole.

Matiu 24:44

Sole me melai inainaomo, ako aṉa maba a eveni lala ta a vaitou koa taku kale ko me pui me baqumukako kale sole,” kiolake.

Matiu 25:13

So inio tu meta vaitomo, ako meta pui meqai nianiia koa ṉaniu ni taku aṉa maba a eveni lala a vaitou keru sole,” kiolake vo Jisu.

Matiu 26:41

Meta vailomo ni vararaitomo nio pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”

Matiu 8:20

Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Maka 13:33

So sole meta vailomo ni inainaomo, ako meta pui meqai nianiia sole koa taku ko barolou keru.

Maka 13:37

Komi quli aṉa a melai bazuekako quli aṉako disaipeli madu mela kio mata abe mai bazueka sea kiadamu se aṉa ke luluelani, ni eri nio mela kiala: Meta vailomo!”

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

Luke 20:35

melai so keru seke malezikani ko voukale azo ama mata saevo ke tova saevou keru ta seta pui kepa rorotou.

Luke 21:35

omadeuvo sipata jari. Ako koa ṉaniu ta ko barolou kiadama maba peuru ma peuru ke evani kasi.

Iruruputo 10:2

Vota kala vararaito ko maba; vo ni voko pado ama saidi ta ke ilusivani vo Baṉara. Vo melai o matu tauvemani se Jiu ama ozaoza kama maba poso, ni vo pui o lalamatani vararaito Baṉara kasi.

1 Koriniti 16:13

Vailomo ni pizaka lojolo emo meko vai oqu kale vo Lekasa Jisu, parani putomo ni pizatomo.

2 Koriniti 4:14

Ako eṉeta ṉeqai nianiia ko vo Baṉara vo o saeviveni voukale azo vo Lekasa Jisu, vo inio mata o saeviṉelou eṉe voukale azo tu Jisu sase ṉe elou, ni o odieṉelou eṉe ni so jari omadeu odiemelo o elou animea kiada mela voko tanama kale.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

1 Tesalonaika 5:17

vararaitomo kiadama taku poso kale,

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 11:4

Nioqa omuqa poropita maba kidi ta omuqa olive ore ni omuqa juke koko lojoako vo miduku ko Lekasa ko kuleto jari Zekaraia o kasekema.

Kelokelozato 6:17

Nioqako matuma korakorailo sama ṉaniu ta lula kota barola, nio puliala inio o roveovou taka pataito ko!” kikelake.

Kelokelozato 7:9

Koko tova inio a lilitakea lala ta matu ti matuma vaki a qeake; puliala opa roveovo amu ataemo sea kiadama maba poso! Seke kuevini kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo, seta ke lojoake koa papupapu ni voa Sipi Meqora ko kuleto, ni seta rosia sabosabo tapo ama samu ni ke kamakake ko dauko poso tu ke puratiko seko zoleilo.

Kelokelozato 8:2

Nio aṉata a meake sea sikeura mateana madu ke lojoani vo Baṉara ko kuleto, se o katimeni sikeura kuvili.