Luke 21:12 - BAṈARA KO VAIRU AMA LEVELEVEO

¹² Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Luke 21:12 Σταυροειδείς Αναφορές

Matiu 22:6

Ni kake sea maba madu ta ke noqoemake voa lekasa ko nabulu madu ni ke pazomake ni ke vouvaemake se.

Matiu 24:8

Melai koa kiadama quli ta ko rekoreko kai tanito meqora ko alilo ko tola jari pala inio.

Luke 21:11

Ni matuma nunu ta kota elou, ni nioṉe ni ave poso komia kiadakoi, ni aqasiele ama quli ni ṉaloṉalo ama quli ta kota kilou aukale azo.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Iruruputo 22:30

Ni vo solodia madu vo kuleto ala ta oka zariake taka vailiko koko tuveano se Jiu amu kuiripato saṉa kevai ikako vo Paula, so sole koko raneo kale vota o rupasivake vo Paula ni o bazuemake se raura kama siama madu ni Jiu amu ko Kauniseli madu tu seta ke padoilo. Ni vota o vati olake vo Paula ni o lojoevake seko kuleto.

Iruruputo 5:40

Nio seta ke amaqimako se apositolo madu, ni ke sisiparu puemake se ni bazu saṉa ke imake tu seta mata pui tova bazubazuto ke elou vo Jisu ko ṉikale kikelake, saita inio seta ke rupasimake se.

Iruruputo 8:3

Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.

Iruruputo 9:4

Ni vota ota piake miduku kale ni o viqake ko kora ko eri kikovema vokasi, “Saula, Saula! Noi sole inio ṉota ṉo niumaniumaela aṉa?” kikolako.

1 Pita 2:13

Vo Lekasa Jisu ta o mela zaria me tu meta me zorimou kiadama komia peuru ma peuru ama raura kama maba poso. So sole meta me zorivou vo matu raura kala aikovakova,

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.