Luke 20:46 - BAṈARA KO VAIRU AMA LEVELEVEO

⁴⁶ “Tama balauvomo se Mosese ko Bazu kekai nianiiekatani, seke lipiani seko rosia sabosabo sate tu maba poso ta ke rauraemo tatabarao ko zaekale sai maba poso ke padoivakoi. Ni tama balauvomo seke pitoekani kai papu raura kama papupapu ilusato ko pade kale ni ke pitoekani qulepo ama zae ṉojola kale.

Luke 20:46 Σταυροειδείς Αναφορές

Matiu 16:6

Ni Jisu ta eri ma kiolake se, “Meta vaitomo ni taka balauvomo se Parese madu ni Sadiusi madu ko isiti,” kiolake.

Matiu 23:1

Ni ko quli ko tova Jisu ta mata eri kiolake sea vaki kasi ni voko disaipeli madu kasi,

Maka 8:15

Ni Jisu ta o balauvimake se ni eri kiolake, “Taka balauvomo se Parese madu ni Herodi ko isiti,” kiolake.

Luke 11:43

“Matu ruqe ama quli kio ko melai barolou me, mea Parese poso mela! Ako meta meqa zaria kai papu ko raura kama papupapu ilusato ko pade kale ama ni meta meqa zaria tu ke rauraemelo se maba poso meme ola keru tatabarao ko zaekale.

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 14:7

Ni Jisu ta o meake kake seke taipaziani ṉojola kale seko pitoeko qulepo ama zae poso, so sole vota omai bazuekake sea kiadamu kama pado podepodeti, ni eri kiolake,

Luke 20:47

Se inio keta ma bibizikani naboko poso ko pade poso seko ubeubemo kale, ni koko tova se inio kekai lipalipaitani ko rosi ama vararaito ubutiania tu maba madu ta ke melou pala! Melai seko koqotailo ta matu palopaloasi ama kota elou!” kiolake.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

2 Timoti 4:15

Ṉota tava balauve vo, ako vo inio o matu kanaekikani ko anime meqai bazutako Uri ama Bazu sole.

3 Jone 1:9

Aṉata a rikieve kala riki se lotu qoqono madu kasi. Melai vo Daeoterapesi ta ota lupaoke viqo aṉa kialani, ako vo inio o raurarauraivani sole tu mevo vilua pikopiko o elou.