Luke 20:13 - BAṈARA KO VAIRU AMA LEVELEVEO

¹³ Nio voa kiaro sala lekasa ta eri kiolake, ‘Noni a qalou? Aṉata a joroevou aṉavo maba meqora, vo a roquevani, ni esa seta ke velou ni keta va maba panaovou vo!’ kiolake.

Luke 20:13 Σταυροειδείς Αναφορές

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 3:17

Ni vota o viqake ko kora aukale azo ama ko eri kikovema, “Ṉota a ṉavivo Meqora ṉa, a matu roqueṉani ṉa. Ṉo inio aṉa aṉa matu zoleivani ṉa,” kikovema.

Luke 18:2

Nio vota eri kiolake, “Kama pado matu peuru kale ta inovoana kala pado titizato ko maba vo pui ota va paṉaovani vo Baṉara ni maba.

Luke 18:4

Ni kuleto voa titizato ko maba ta ota lupaoke ereko ko titizato, melai koko tova inio eri kiolake, ‘Tuvevo aṉata pui ada va paṉaovani lala inio vo Baṉara ni so jari maba,

Luke 20:12

So sole vota o soroevake zouke ala nabulu. Ni vo melai tabi ma tabi ke ivake ni ke butuevake kiaro kupekupe.

Luke 20:14

Melai so keru se kekai iruruputani koa vaini kiaro ke vea keru vo, inio seta eri kikelake ke navio kude, ‘Nei nio komia kiaro sala vo meqora, vo o besievo ala vovo mama tu kiaro ko raki ota ka elo. Ariamo tu me vouvaevo, tu komia vaini kiaro vo kovai vikuvo ama ta animeko ko elou!’ kikelake.

Luke 9:35

Ni seta ke viqake vo Baṉara ko kora koa leikale, ni eri kiolake, “Nei nio vo aṉavo Meqora vo aṉa a bitoeveni; tu tava viqomo vo ni luluekomo vo kiolani!” kikolako.

Jone 1:34

Aṉata lula a veve vo, ni aṉata a bazuemela me ta vo inio vo Baṉara vo Meqora,” kiolake vo Jone.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.