Luke 19:26 - BAṈARA KO VAIRU AMA LEVELEVEO

²⁶ Ni vota eri kiolake, ‘Aṉata a bazuemela me, vo uria kai iruruputo o evani vo o koako ta vovo lekasa ta mata o kativou vo mata kama, tu kota kubo kova elo. Melai vovo lekasa ta ota va kovou vo pui okai uria iruruputani voko puaro koa silo pala melai.

Luke 19:26 Σταυροειδείς Αναφορές

Matiu 13:12

Ako voa maba vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio kobe evako vo tona.

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Maka 4:25

Ni kala vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio kobe elo ama vo tona,” kiolake.

Luke 16:3

Nio voa vailo ko maba ta eri kiolake voko kerukeru kale, ‘Aṉavo lekasa ta o epezilou aṉa aṉako iruruputo kale azo. Sole loma ikio aṉata a erekou? Aṉata pui a male tu a deliko ko totoqela ni ada quratou tu pasepaseto.

Luke 19:25

Melai seta eri kikelake vokasi, Tanala, vota lula toni seleni sala inio!’

Luke 8:18

“So sole meta kati vailomo ko meme viqako quli, ako vo lula o koani koa nianiio ta vo Baṉara ta o kativou mata kama, melai vo puliama sala ta vo Baṉara ta ota va parakikou koa silo pala nianiio ka kiolake kobe evako vo tona,” kiolake.

Iruruputo 1:20

Ni Pita ta obeta olake pesio ni eri kiolake, “Ako koko rikiziovima Devita ko kera kale ta eri nio kikolani, ‘Voko pade ta ota kota elou; ni puliala maba ta opa loilou koko poro kale,’ ni kota mata ko rikiziovi ko eri kio, ‘Edolola maba ta ota va kovou voko iruruputo,’ kikolako.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.

Kelokelozato 2:3

Meta me bizaka lojoa, ni lula ko tolaemela ko tapata poso aṉako ṉikale avo, melai meta pui koqo me eva.

Kelokelozato 3:11

Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.