Luke 18:16 - BAṈARA KO VAIRU AMA LEVELEVEO

¹⁶ melai Jisu ta o nokaemake se silo ama meqora poso tu ke kilo vokasi nio eri kiolake voko disaipeli madu kasi, “Meta pui kaitimo se silo ama meqora poso tu ke kilo aṉa kasi, ako sea maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole.

Luke 18:16 Σταυροειδείς Αναφορές

Matiu 19:14

Melai Jisu ta eri kiolake sekasi, “Meta pui kaitimo se meqora poso tu ke kilo aṉa kasi, ako se maba poso nia sasa rusu jari ke kalo amu nio ke ṉeamukou vo Baṉara ko lekasa puo kale ama mauruto sole,” kiolake.

Luke 18:15

Ni kake maba poso ta ke mati kuevake seko molele poso Jisu kasi tu vota omai iviko se voko ṉase. Ni se disaipeli madu ta ke meake se ni seta ke riqaemake se tu seta pui ke mati zio Jisu kasi,

Luke 18:17

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto,” kiolake.

Iruruputo 2:39

Ako vo Baṉara ko leveleveo ta me kaqe ni meko meqora poso kaqe, ni kiadamu se vaṉa kebeta evani—sea poso kaqe vo Lekasa animevo Baṉara o nokaemo amu o ṉavi kasi,” kiolake.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 7:14

Ako vo pui o tuvevo putani lasive ta lula tabu o iva vo Baṉara voko omadeu kati elo kale voko reko, ni ko pui ko tuvevo putako reko ta lula tabu o ika vo Baṉara koko omadeu vati elo kale kovo lotu maba lasive. Komi ta pui so tea, seko meqora poso ta kutumana meqora poso jari amu inio; melai koko tuveano ta seta lula tabu amu inio vo Baṉara kasi.

1 Pita 2:2

Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.