Luke 17:30 - BAṈARA KO VAIRU AMA LEVELEVEO

³⁰ So jari pado inio ko kalo avo aṉa maba a eveni lala kasa a elou keru.

Luke 17:30 Σταυροειδείς Αναφορές

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:37

Melai aṉa maba a eveni lala ta a vaitou, so keru maba poso kebeta ziovou keru seko kerukeru pide ama saevo kale Noa ko taku keru ke erekema jari ama.

Matiu 24:39

Ako seta pulia quli ke kerukeruekake sole se komai barolo ama, melai ota podolo kale ko matuma nioqololo ta komai baroake ni ko duluemake se. Ni so inio ko kalo avo aṉa maba a eveni lala a vaitou keru.

Matiu 26:64

Nio vo Jisu ta o vati tiorikake ni eri kiolake, “Tuvevo ṉo kiṉolani nio. Ni aṉata a bazuemela me, tova inio meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.

Maka 13:26

Nio komi quli ko tova inio aṉa maba a eveni lala ta a buratou, ni a qilou aukale ama leikale ni se maba poso ta ke lelou aṉa aṉako matuma pizato ni ṉaṉaidara sate.

Luke 17:24

Ako omadeuvo ko kapi ta ko laqata au kama rana ni kokai baroa talolo kama rana, so jari nio ko kalo avo aṉa maba a eveni lala ko vaito ko ṉaniu kale.

Luke 17:29

Koa ṉaniu kale vo Lote o vaeke keru ko Sodomo peuru, inio ko uza sama nai ta ko saqorake aukale azo ni ko ruvurimake sea kiadamu koa peuru kale amu.

Luke 21:22

Ako koa taku kale inio vo Baṉara ta o koqotaemou se maba poso tu ko Tabu ama Riki kikolani ta tuvevo ko elou.

Luke 21:27

Ni koa taku kale inio aṉa maba a eveni lala ta a buratou, ni aṉata a qilou lei ko valuvalu ni se maba poso ta ke lelou aṉa aṉako matuma pizato ni ṉaṉaidara sase.

1 Koriniti 1:7

Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.

1 Koriniti 1:8

Vo inio o pizatimelo ala me ti kobe kai barolou koa paitopaito ama ṉaniu kale tu meta puliama ruqe kopa melai kuiriziovou vo animevo Lekasa Jisu Karisito okai vaito ama ṉaniu kale.

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Jone 3:2

A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.