Luke 17:26 - BAṈARA KO VAIRU AMA LEVELEVEO

²⁶ Omadeuvo vo Noa ko taku keru ko ereima quli so jari ama quli kio aṉa maba a eveni lala ko vaito ko ṉaniu kale ko ereilo ama.

Luke 17:26 Σταυροειδείς Αναφορές

Luke 17:22

Nio vota eri kiolake voko disaipeli madu kasi, “Kama pado taku ta ko kilou so keru me meqai matu zariovou keru kelo kama pado ṉaniu aṉa maba a eveni lala ko tova vaito keru ama, melai meta pui meba kelou ko.

Luke 17:24

Ako omadeuvo ko kapi ta ko laqata au kama rana ni kokai baroa talolo kama rana, so jari nio ko kalo avo aṉa maba a eveni lala ko vaito ko ṉaniu kale.

Luke 17:27

Kiadama maba poso ta ke vuatake ni ke nozutake, ni lasive poso ni rekoreko ta ke raekiniake kiada keru jari, ti ota podolo baro inio kobeta evake koa ṉaniu Noa o zazi keru matu vaka topi ni ko nioqololo ta ko kuevake ni ko ruvurimake sea kiadamu.

Luke 17:7

Ni Jisu ta mata eri ma kiolake se, “Esa kala maba me azo ta kala iruruputo vo maba sala vo umauma o erekani kiaro kale ma kala voko sipi o kati vailani. Noi nio, so keru vo obe vaitou keru pade kasi kiaro kasi azo ta ṉo joruevou vo tu vota taukavole o kuo o ṉaviko sailao kio?

Luke 18:8

Aṉata a bazuemela me, vota o korotimou ni taukavole o tauvemou se. Melai noi nio, so keru aṉa maba a eveni lala a vaitou keru miduku kale ta a melou kubo maba madu se kelai oquani aṉa ma pui kio?” kiolake.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

2 Pita 2:5

Ako vo Baṉara ta koqo o imake sole se ruqe ama maba madu lulavo vo o soroeke keru ko nioqololo peuru ma peuru ama maba madu kasi se pui kepa zoriveni. Melai Noa, vo okai bazubazuteni ko sidopu, ni sikeura madu vokale amu inio Baṉara ta o pakiemake.

2 Pita 3:6

Sai kazo inio ko ju ko nioqololo ikio ko duluekake ko so keru ama peuru ma peuru.