Luke 17:25 - BAṈARA KO VAIRU AMA LEVELEVEO

²⁵ Melai kuleto aṉata olaquavo aqai elou kubo quli, ni komia taku kale ama maba poso ta kelai kaikuapou ni kelai masapou.

Luke 17:25 Σταυροειδείς Αναφορές

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Matiu 21:42

Nio Jisu ta mata eri kiolake sekasi, “Sole meta pui me ataeka ko ikio ko Tabu ama Riki kikovevo? Ko eri kikelako, ‘Koa lado se pade ke erekani kekai keduima pui uri ama ka kikevema, ko ikio erisanama qulepo ama pade ko lado kiadama lado poso azo. Kota vo Baṉara inio soa ereko o eve ni matu aqasiele koko uria kelo,’ kikelako.

Maka 10:33

Ni vota eri kiolake, “Meta didielomo aṉa, animeta meda kaila inio Jerusalema, ni sai nio seta ke vaelou aṉa maba a eveni lala raura kama siama madu ni vo Mosese ko Bazu kekai nianiiekatani maba poso ko ṉase topi, tu seta ke titizikou tu aṉata a vou. Ni seta mata ke lati ziovou aṉa se pui Jiu amu kasi,

Maka 12:10

Ni Jisu ta mata o erevake kala podepodeti o ṉavi kale avo ni eri kiolake sekasi, “Meta pui me ataekako ikio ko Tabu ama Riki kikovevo? Ko eri kikolako, ‘Koa lado se pade ke erekani kekai keduima pui uri ama ka kikevema, ko ikio erisaṉama qulepo ama pade ko lado kiadama lado poso azo.

Maka 8:31

Ni vo Jisu ta o taniekake nianiiekimo voko disaipeli madu, ni eri kiolake, “Aṉa maba a eveni lala ta ke tolaelou ni kelai keduvou se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio mata a jaevou,” kiolake.

Maka 9:31

ako vota o nianiiekima sole voko disaipeli madu ke kiadakoi. Ni vota eri kiolake sekasi, “Aṉa maba a eveni lala ta ke vaelou se ruqe ama maba poso ko ṉase topi, tu seta ke vouvaelou, melai zouke ama ṉaniu kale aṉata mata a jaevou.”

Luke 18:31

Ni Jisu ta o edolimake sea toni omuqa disaipeli ni eri kiolake sekasi, “Viqomo! Animeta meda ola inio Jerusalema peuru kale sai kiadama quli poropita madu ke rikiekema quli aṉa maba a eveni lala kasi ko ereilo ama ka kikevema ta tuvevo avole kota ereilou.

Luke 18:33

Ni seta ke sisiparu puelou ni ke vouvaelou, melai zouke ala ṉaniu kale inio aṉata mata ada tova saevou,” kiolake.

Luke 24:46

ni vota eri kiolake sekasi, “Kota lula ko rikiziovi ko eri, vo Baṉara o soroevani Pakio ta o tolailou ni o vouvailou ni zouke ama ṉaniu kale vota mata o tova saevou voukale azo,

Luke 9:22

Ni vota mata eri kiolake sekasi, “Aṉa maba a eveni lala ta a matu tolailou ni kelai keduvou se lotu tanatanamu, ni se raura kama siama madu, ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Jone 1:11

Vota okai kuevi o ṉaviko kunia peuru, melai sea kiadamu o ṉaviko kuniale amu ta pui ke baroekivake vo.

Jone 12:38

tu vo poropita Aisea eri ka kiovema ta tuvevo ko elo, “Baṉara, lave inio lula ke tuvevo pueka koa bazubazu ko eṉe lula ṉeqai bazutako? Ni lave kasi nio vo Baṉara ta lula kasa o ika voko pizato?” kikolako.