Luke 17:20 - BAṈARA KO VAIRU AMA LEVELEVEO

²⁰ Ni kake se Parese madu ta ke kuimaevake vo Jisu, ni eri kikelake, “Noi keru inio vo Baṉara o lekasa puovou keru?” kikelake. Nio Jisu ta o mati tiorikake ni eri kiolake, “Vo Baṉara ko lekasa puo ta pui maba ko keako quli kio.

Luke 17:20 Σταυροειδείς Αναφορές

Luke 10:11

‘Ko pari meko zavaṉa kale ama koko ramatako eṉeko kiti kale eṉeta ṉe bapazika eṉeko kiti topi azo, tu meqai nianiiovou vo Baṉara ko korakorailo mekasi ama. Melai meta pui ukaka me ikou komi quli, vo Baṉara ko lekasa puo ta lula meko sipole kota evala!’ kimevou.

Luke 14:1

Ni kama pado Sabati ṉaniu kale inio Jisu ta o zomanake vuato kala Parese madu vo kuleto ala maba ko pade kale, ni se maba poso ta kevai vilumuake vo Jisu tu keta va kelo kama saruilo kikelake.

Luke 16:16

“Mosese o katimelema Bazu ni se poropita madu ko riki poso ta ko pizate ti kobeta baroi Jone Bapitaiso ko taku keru, so keru azo inio aṉata a danite kai bazubazuto ko Uri ama Bazu Baṉara ko lekasa puo ko bazu sama ni maba poso ta ko riaboema amaqimo voko lekasa puo kale.

Luke 19:11

Nio so keru se maba poso ke viqe keru koa pesio poso vo o rukuekema, Jisu ta obeta olake vai bazuto kala pado podepodeti sekasi. Koa taku ta vota lula Jerusalema ko sipole ota baroake, ni seko kerukeru kale ta vo Baṉara ko lekasa puo ta taukavole kota barolou kikelake.

Jone 18:36

Nio Jisu ta eri kiolake, “Aṉako lekasa puo ta pui komia peuru ma peuru kale ama, melai kota komia peuru ma peuru kale ama tea, se aṉako nabulu poso ta ke pazokinio inio, tu ke tauvelo aṉa se Jiu amu aṉa ko pirielo kale azo. Melai aṉako lekasa puo ta edolokoi zama,” kiolake.