Luke 17:1 - BAṈARA KO VAIRU AMA LEVELEVEO

¹ Ni Jisu ta eri kiolake voko disaipeli madu kasi, “Ko quli se maba poso ko saruemo ama tu ruqe ke ereko ta ko ereilou, melai matuma koqotato ikio ke kovou sea maba poso seke saruemani edolomu!

Luke 17:1 Σταυροειδείς Αναφορές

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Matiu 18:7

Matu ruqe ama quli kio komai barolou komia peuru ma peuru kale ama maba poso ako seta ruqe ke ima maba poso sole seko oqu kale. Soama ruqe ama iruruputo ta pui kopa epezou komia peuru ma peuru kale, melai matuma koqotato ikio ke kovou sea maba poso seke saruemani edolomu!

Luke 16:31

Melai Ebarahami ta o vati tiorikake vo ni eri kiolake, ‘Seta pui keta ma viqou ni luluekou Mosese ni poropita madu kikevevo, ta seta mata pui kepa tava viqou kala vo o saevo ala voukale azo,’ kiolake.”

Romu 14:13

So sole, animeta me epezou kuirikinio me ṉavio kude, melai kerukeruekomo tu meta pui me erekou ko mevo visi tupara ko ivo ama quli ni ko pivo ama vo sarueko kale.

Romu 16:17

Aṉata a basemela me a visi poso mela: tu tama balauvomo se pitasato ko maba poso ni seke niumaekani maba ko oqu ni se ruqea kaseko ke evani koa nianiiekato ko me lula me qoema. Meta tama papariomo se!

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

1 Koriniti 8:13

So sole aṉako kuo ko beku kasi ko katiziako sailao ta sarueko saṉa ko ivou aṉavo lotu kale ala lolo ta, aṉata maba pui mata aba tova kuovou koa sailao, tu aṉata pui a jouraevou aṉavo lolo sarueko kale.

1 Timoti 4:1

Tabu ala Auvana ta zakaremu o ika ko eri. Kake maba poso ta ke vaekou ko oqu koko kilo ama taku keru kio, ni seta ke zorikou koko lipalipatako auvana poso ni seta ke luluekou ko ziolo poso ko nianiiekato.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.